Unha lagoa de libros

UN CHISTE DE FORGES

2012-01-25T18:00:00.002+01:00

Como sempre, Forges está insuperable. O humor é o mellor método para a denuncia.

PREMIOS MARCAPÁXINAS

2012-01-11T13:13:00.001+01:00

O Xurado do Concurso de Marcapáxinas valorou todos os traballos presentados e quere destacar a ampla participación e a calidade tanto dos debuxos como dos lemas de animación á lectura.

Acordou conceder os seguintes premios:

Primeiro premio e impresión do marcapáxinas a ANDREA CONDE LAMA.

Tamén concede as seguintes mencións:

TERESA ESTÉVEZ ÁLVAREZ, de 1º ESO A

NICOLÁS FERNÁNDEZ BLANCO, 1º ESO C

DIEGO MATÉ MARTÍN, de 1 BACH A

ALBA MARTÍN JIMÉNEZ, de 2º BACH C

Felicidades a todos os gañadores e gañadoras.

Todos os marcapáxinas participantes atópanse expostos na biblioteca para que todos poidan comprobar o traballo ilusionado de tantos rapaces e rapazas.

Moitas grazas a todos pola vosa participación!

NADAL INTERCULTURAL

2012-01-11T09:51:00.001+01:00

Un ano máis reunímonos na biblioteca para coñecer as distintas celebracións de Nadal en distintos países e áreas. Nesta ocasión, coñecemos os costumes de Venezuela, Chile, Alemaña e Estados Unidos. E tamén soubemos do Ramadán en Xordania.

Como novidade, este ano tamén degustamos produtos tradicionais destas datas, en moitos casos elaborados polos propios alumnos e alumnas.

UN LIBRO, UN BO AGASALLO TAMÉN EN NADAL

2011-12-22T11:44:00.001+01:00

Durante o mes de decembro desde a biblioteca estivemos desenvolvendo a campaña "UN LIBRO, UN BO AGASALLO", especialmente para estas datas de Nadal.

O Equipo de Biblioteca desexavos unhas boas vacacións e un feliz aninovo no que sigamos disfrutando de lecturas compartidas.

2011-12-15T15:01:00.001+01:00

ENCONTRO CON ANXO MOURE, O ATRAPADOR DOS CONTOS

2011-12-13T10:59:00.001+01:00

Hoxe visitounos Anxo Moure, o atrapador de contos, chegado das veciñas terras de Chantada.

Na súa intervención combinou contos, poesía, música, implicando activamente aos alumnos e falounos da necesidade de defender a liberdade e a tolerancia, o respecto pola natureza. Sensibilizar os alumnos de que é posible un mundo mellor.

Tamén nos falou do proxecto Contos Solidarios nacido no 2000 da man da ONG chantadina Bicis pola Paz que doa bicicletas a mestres, médicos… de países de América Latina, Asia e África co defomentar o eco-transporte nos proxectos de desenvolvemento desenvolvidos nestes lugares. ((http://www.contosolidarios.org/contosolidarios.htm)

Moitas grazas, Anxo!

DESDE SERBIA EN GALEGO

2011-12-12T17:32:00.000+01:00

Neste vídeo vemos a unha rapaza serbia cantando en galego "Lela" e "Negra Sombra"
Sobran as palabras!

ENCONTRO CON GISBERT

2011-12-09T10:55:00.001+01:00

Recibimos un ano máis na biblioteca a visita do escritor Gisbert, quen nos falou da influencia que o mundo d'As mil e unha noites tivo na súa obra e, máis en concreto, na construción dos relatos que integran Historias secretas en la noche : El mensajero de los siete reinos” y “Semiris, princesa de Babilonia” .

A presentación do escritor foi realizada polas alumnas Carmen Doval e Alba García.

Presentación j.m. gisbert

View more documents from Letras.en.rede

EL TEMPLO DE LAS MIL PUERTAS

2011-11-30T18:05:00.001+01:00

Hortensia dános a coñecer esta revista online de literatura xuvenil:
El templo de las mil puertas, na que poderemos atopar noticias de actualidade, reseñas, entrevistas, información sobre novidades... que nos manterán ben informados acerca do tema.

A LECTURA, UN REMEDIO EFICIENTE

2011-11-29T14:18:00.001+01:00

Da Biblioteca do Colmeiro rescatamos este interesante e divertido vídeo sobre o FOMENTO DA LECTURA.

HISTORIAS SECRETAS EN LA NOCHE

2011-11-23T13:19:00.001+01:00

Unha vez máis propoñemos a lectura dunha obra de Joan Manuel Gisbert. Nesta caso trátase de Historias secretas en la noche, que comeza así:

"Konrad, el Ecuánime, titular del señorío de Warlavia, allá en la Europa lejana, decidió convocar hace muchísimo tiemkpo un singuular concurso de narradores

Durante años se había visto forzado, contra su voluntad, a participar con su pequeño ejército en interminables escaramuzas, combates y batallas"

Proximamente recibiremos a visita do propio autor que compartirá con todos nós o proceso de creación desta novela e responderá as preguntas que queiramos formularlle. Podedes ir anotando xa as vosas opinións e comentarios acerca desta obra.

CORDELUNA

2011-11-23T13:15:00.001+01:00

Elia Barcelo presenta en Cordeluna unha historia de amor que quedou truncada pola desgraza e a maldición.

Unha novela que combina historia e fantasía, amor e maldade, bruxería e relixión e que foi recoñecida co Premio Edebé de Literatura Juvenil.

E ti, que opinas? Deixa aquí as túas impresións de lectura.

CARRAPUCHIÑA ECOLÓXICA

2011-11-23T10:17:00.001+01:00

Seguindo coa Carrapuchiña, atopamos esta viñeta de contido ecolóxico na que o lobo e a nena reflexionan acerca da destrución dos nosos bosques por mor dos incendios.

O seu autor é Juan López e está incluída no libro Sorrisos e boa colleita. Unha homenaxe dos humorista gráficos galegos ao noso rural.

A PRAIA DOS AFOGADOS

2011-11-23T10:02:00.001+01:00

Os alumnos de 2º de Bacharelato andan a ler A praia dos afogados, a segunda novela de Domingo Villar, que transcorre na cidade de Vigo e nos arredores.

Nesta ocasión o inspector Leo Caldas ten que investigar a morte dun mariñeiro que aparece coas mans atadas flotando entre os argazos.

Sabemos que están disfrutando coa súa lectura e esperamos que nos deixen aquí as súas impresións e opinións acerca desta novela.

CARRAPUCHIÑA TECNOLÓXICA

2011-11-21T10:15:00.001+01:00

María Jesús Candau envíanos este enlace no que podemos ver unha nova versión do conto da Carrapuchiña, agora con todas as posibilidades que ofrecen as novas tecnoloxías. Curioso e interesante!

Slagsmålsklubben - Sponsored by destiny from Tomas Nilsson on Vimeo.

CARRAPUCHIÑA MULTILINGÜE

2011-11-16T12:25:00.001+01:00

Vídeo da actividade de lectura multilingüe do conto A Carrapuchiña Vermella.

Programa

View more documents from Letras.en.rede.

A LINGUA SABE A PAN

2011-11-13T18:53:00.001+01:00

Velaquí o vídeo do CPI Virxe da Saleta de CEA. Lipdub feito sobre unha versión do "Sweet Home Alabama", popularizada por Siniestro Total como "Miña Terra Galega". Sobre unha idea de Álvaro Cunqueiro, naceu a letra de A Lingua Sabe a Pan. Contou coa participación de todo o alumnado do CPI e os músicos Pedro Feijoo e Charly Lincoln que gravaron, misturaron e produciron nos estudos Muu! e Vigo.

Tamén en versión karaoke:

SAN MARTIÑO: TEMPO DE MAGOSTOS

2011-11-11T19:33:00.000+01:00

Tempo De Magostos

View more presentations from letrasenrede

2011-11-09T13:15:00.002+01:00

Vídeo da representación da dramatización do conto "Rotkäppchen" -Carrapuchiña Vermella- en alemán, cos alumnos de 2º de ESO do IES As Lagoas, dirixidos por Carmen Correa, Aminata Dansokho e Elisa

Álvarez

CARRAPUCHIÑA VERMELLA MULTILINGÜE

2011-11-03T21:21:00.001+01:00

Unha versión multilingüe da Carrapuchiña Vermella: en inglés, francés, alemán, portugués, catalán, galego, castelán e italiano. Ilustracións realizadas polos alumnos de 1º A, B e C de ESO.

Open publication - Free publishing - More culture

CÓMIC-CONTO

2011-11-03T14:00:00.001+01:00

Os alumnos de 1º D, baixo a dirección da profesora de lingua galega Mercedes Seixo, puxeron en imaxes o conto A árbore das tres laranxas. Distintas versións dunha mesma historia. En equipos foron deseñando as viñetas, debuxando os personaxes, escribindo o texto, pintando... ata compoñer dúas páxinas. Unha boa mostra da creatividade destes rapaces e rapazas.

CARRAPUCHIÑA VERMELLA EN IMAXES

2011-11-03T13:55:00.001+01:00

Os alumnos de 1º de ESO elaboraron as imaxes do conto A Carrapuchiña Vermella coas que ilustramos o noso libro multilingüe. A beleza das ilustracións animounos a expoñelas tamén na biblioteca para que todos as poidan disfrutar. Vendo as imaxes podemos achegarnos a un conto clásico que formou parte da infancia de todos nós.
Unha fermosa actividade realizada na materia de plástica, baixo a dirección da profesora Juliana Ortega.

CONTOS POPULARES DE TRADICIÓN ORAL

2011-11-03T13:51:00.001+01:00

A exposición de contos populares está xa aberta. Contamos cunha selección de libros en galego, castelán e alemán que nos próximos días se irán incrementando con novos títulos e novas linguas.

Animámosvos a que traides os vosos contos para completar a colección e nolos deixedes en préstamo durante uns poucos días.

Os contos dos irmáns Grimm, de Andersen, de Perrault comparten protagonismo coa colección Cabalo Buligán de Edicións Xerais, xunto a outros contos que nos transportan as anos da infancia.

Son os primeiros textos que nos achegaron á maxia da literatura, aqueles que nos converteron en oíntes atentos ou en lectores apaixonados. Os vellos contos contados aos que agora podemos acceder en libros, en DVDs, en audiolibros, en vídeos.... Non importa o formato, o importante é que sigan emocionando e divertindo ás novas xeracións.

OS IRMÁNS GRIMM

2011-11-02T14:00:00.001+01:00

Os alumnos de alemán 1º de Bacharelato, dirixidos pola profesora Elisa Álvarez, elaboraron esta presentación acerca dos irmáns Grimm.
Die Bruder Grimm

E elaboraron uns carteis con información sobre os autores e unha antoloxía de contos.

Open publication - Free publishing - More grimm

CÓNTAME UN CONTO

2011-11-02T08:30:00.000+01:00

A nosa biblioteca súmase á celebración da SEMANA DA LITERATURA DE TRADICIÓN ORAL e, nesta ocasión, ímonos centrar nos contos populares. Eses que nos anos da infancia nos contaban os avós e que nós transmitiremos igualmente aos nosos fillos e netos. Son as mesmas vellas historias de sempre, aquelas que desde tempos ancestrais contaban os homes para dar respostas ás grandes preguntas da humanidade e defender valores e actitudes positivos. Historias exemplares protagonizadas por princesas fermosísimas, fadas encantadoras, cazadores bondadosos, bruxas malvadas, madrastras crueis… Relatos que, con lixeiras variantes, aparecen en linguas diferentes e en países afastados xeograficamente.

Os irmáns Grimm, Perrault ou Andersen, entre outros, contribuíron a espallar e fixar estes relatos orais e achegáronnos personaxes como Polgariño, Cincenta, Brancaneves, Carrapuchiña Vermella ou A bela durminte que forman parte da nosa memoria colectiva e continúan transportando a nenos e xoves ao reino da maxia e a fantasía.

Queremos compartir o amor por estas vellas historias e o pracer de escoitar un conto ben contado. Queremos volver sentir o arrepío ao imaxinar os aguzados dentes do lobo trabando na delicada pel da Carrapuchiña. Queremos notar como os cabelos se nos poñen de punta ante os terribles perigos que afrontan os nosos heroes. Queremos sufrir polas penalidades que padecen por causa malvadas bruxas. E queremos volver emocionarnos con só escoitar "Había unha vez..."

Para todos preparamos varias actividades:

Exposición de contos en distintas linguas.
Exposición de carteis sobre os irmáns Grimm, elaborados polos alumnos de alemán de 1º de Bacharelato, baixo a dirección de Elisa Álvarez
Exposición de cómics sobre contos populares galegos, elaborados polos alumnos de 1º ESO D, baixo a dirección de Mercedes Seixo.
Dramatización do conto "Rotkäppchen" -Carrapuchiña Vermella- en alemán, cos alumnos de 1º de ESO, dirixidos por Elisa Álvarez e Carmen Correa.
Edición multilingüe do conto A Carrapuchiña Vermella, na versión dos irmáns Grimm, con ilustración dos alumnos de 1º ESO A-B-C, dirixidos por Juliana Ortega.

Para ir abrindo boca, aquí van algúns enlaces interesantes:

-Galicia encantada. Enciclopedia de Fantasía Popular de Galicia, onde podemos atopara unha selección de contos de tradición oral.

-Tamén a páxina de César Salgado: http://www.cesarsalgado.net/contos/popular.htm

-El huevo de chocolate: Páxina de folclore infantil onde se recompilan trabalinguas, adiviñas, cantigas... e tamén unha ampla selección de contos populares.

-http://www.fundacionlengua.com/cuentos-populares/: Páxina con Contos populares castelás.

-Cuentos populares: http://www.cuentocuentos.net/cuentos/1/Gallego/
Un blog de Cuentos: http://mas-cuentos.blogspot.com/

A web CUENTOS ofrécenos contos en distintas linguas:
-contos populares franceses: http://www.cuentocuentos.net/cuentos/1/Frances/
-contos en inglés: http://www.cuentocuentos.net/cuentos/1/Ingles

E tamén audiocontos:
http://www.cuentocuentos.net/audiocuentos/1/

E, por último, algúns vídeos do conto "A Carrapuchiña Vermella" en distintas linguas.
en inglés. LITTLE RED RIDING HOOD
en francés: LE PETIT CHAPERON ROUGE, ou con texto
en alemán: ROTKÄPPCHEN

Disfrutádeos!

SINBAD NO CINE

2011-10-26T17:38:00.000+02:00

O próximo venres 28 de outubro terá lugar a estrea da película Sinbad, baseada na obra de Álvaro Cunqueiro Si o vello Sinbad volvese ás illas, coincidindo co centenario do escritor mindoniense.

A película, dirixida por Antón Dobao e protagonizada por Xosé Oliveria, "Pico", foi producida pola TVG e Ficción e no seu reparto figuran Sara Casasnovas, Mariña Sampedro, Luís Castro Zahera, Laura Ponte, Manolo Cortés, César Cambeiro, Antonio Durán "Morris", Mariña Carballal, Camila Bossa, Miquel Ínsua e Mela Casal.

Sinbad, o famoso mariñeiro d'As mil e unha noites, dialoga cos compañeiros de café e dominó na taberna de Mansur e recrea para eles as experiencias das súas viaxes pasadas, reais ou imaxinarias. Mantén unha especial relación con Sara, a filla de Mansur, que se converte na mellor receptora das historias narradas por Sinbad.

O actor principal, "Pico" encarna por segunda vez este personaxe posto que xa o representou en 1999 na adaptación teatral de Quico Cadaval para o Centro Dramático Galego.

A rodaxe tivo lugar nas praias de Corrubedo, así como en espazos de Santiago como o Seminari Menor, a residencia de ancións, O Milladoiro o Chaián.

http://www.farodevigo.es/sociedad-cultura/2011/10/26/sinbad-cunqueiro-viaja-cine/591710.html

http://www.ficcion-producciones.com/web/gl/node/146

CONCURSO DE MARCAPÁXINAS

2011-10-06T21:29:00.000+02:00

E comezamos coa convocatoria do noso CONCURSO DE MARCAPÁXINAS de xa longa tradición e probada calidade.
Contamos coa vosa participación.

ESTAMOS DE VOLTA!

2011-10-06T21:24:00.001+02:00

Logo da paréntese estival, a biblioteca reanuda a súa actividade cun equipo cheo de entusiasmo que xa ten programadas unha morea de actividades diversas para desenvolver ao longo do ano. Agardamos contar coa vosa participación en todas elas e confiamos en que serán do voso interese.

SUNSHINE AWARD

2011-06-27T22:29:00.000+02:00

A Biblioteca do Colmeiro (IES Pintor Colmeiro de Silleda) agasállanos co SUNSHINE AWARD e queremos expresarlles o noso agradecemento por esta distinción que, por suposto, colocamos nun lugar de honra no noso blog.

Cumprimos gustosos os requisitos para recibir este premio: escribir un post con premio recibido, agradecer ao blog que nolo concedeu, compartir o premio con outros 12 blogs, avisalos e publicar a dirección do seu blog.

A nosa elección -entre os moitos blogs aos que nos gustaría agasallar- é a seguinte:

Bibliotecadocole
Ars Legendi
Mesturas
Castro de Baronceli
As Mariñas
Bibliomende
Raioteca
Bibliobrey
Bibliochivite
Biblioiris
Arquivos do trasno
Biblioarzúa

Parabéns a todos polo traballo desenvolvido ao longo deste curso.

Feliz verán e continuaremos o próximo ano compartindo lecturas!

REPRESENTACIÓN TEATRAL DE ANXOS E DEMOS

2011-06-23T10:25:00.001+02:00

Un ano máis, o grupo de teatro Leria puxo fin ás actividades desenvolvidas durante o curso coa representación dunha obra teatral. Neste caso a peza elixida foi De anxos e demos.

Baixo a dirección de Ledicia Álvarez (Lele) e co seguinte reparto:
Martín González: Demo Sr.
Marta Fernández: Demo 2º
Carmen Doval: Demo Dama
Marcos Fernández: Demo 3
Uxía Firvida: Demo 4
Aldara Rodríguez: Anxo Sr.
Ana Eneriz: Anxo 2º
Paula Rodríguez: Anxo Sra.
Clara García: Anxo 3

Realizaron unha magnífica representación da que podemos observar algunhas imaxes.

Agardamos que o próximo curso continúen desenvolvendo esta actividade, tan interesante para todos eles e tan grata para os que disfrutamos do seu traballo.

OBRADOIRO DE MONICREQUES - I

2011-06-18T16:28:00.000+02:00

Insertamos o primeiro vídeo do OBRADOIRO DE MONICREQUES realizado o pasado 24 de maio por Thelma Joy Putman.
Nel recóllense os preparativos e ensaios previos á representación levada a cabo.

PERFORMANCE SOBRE LOIS PEREIRO

2011-06-04T18:40:00.001+02:00

"Corporal (je t'aime)". Performance sobre poemas de Lois Pereiro, representada no teatro do centro Ágora o 17de maio, a partir dunha idea de Antía Otero e Carlos Neira.
Sobre o escenario: Estevo González, Antía Otero, Olaia Tesouro e Laura Fandiño.

CELANOVA

2011-05-27T12:09:00.003+02:00

Un ano máis os departamentos de Música e Lingua Galega desprazáronse ata Celanova para levar a cabo un completo e interesante programa de actividades:

Visita á Casa Museo de Curros Enríquez, percorrido polo Mosteiro de San Rosendo e asistencia ao concerto de órgano interpretado pola profesora Marisol Mendive do Conservatorio de Ourense acompañamento dos alumnos á flauta, visita ao Auditorio Municipal e biblioteca do instituto.

Pola tarde, trala lectura de poemas en distintas prazas e rúas relacionadas con Curros e Celso Emilio, viron a Virxe do Cristal, visitaron a Torre de Vilanova e achegáronse ata o Castro de Castromao.

LETRAS GALEGAS 2011

2011-05-27T11:59:00.002+02:00

O último xoves de maio celebrouse no salón de actos unha actividade de recitado de haikus, creados polos alumnos, e visualización de fotos que os ilustraban. Ao rematar entregáronse os premios do Concurso Literario do Día das Letras Galegas e posteriormente o dos propios haikus.

Velaquí tedes as fotos

OBRADOIRO DE MONICREQUES

2011-05-25T09:11:00.001+02:00

Grazas á colaboración de THELMA JOY PUTMAN, directora da Escola Municipal de Teatro, a biblioteca acolleu unha interesante actividade: “PUPPETS WORKSHOP”, obradoiro de monicreques en inglés, dirixido ao alumnado de 1º de ESO.

Logo da explicación inicial da actividade e da presentación dos monicreques participantes, realizaron a lectura do texto THE TREE LITTLE WOLVES e, a seguir, distribuídos en grupos, realizaron diferentes actividades: preparación dos decorados, planificación da música e ensaio previo.

P0r último, levaron a cabo a representación da obra.

A experiencia resultou moi positiva posto que, ademais de coñecer as posibilidades expresivas dos monicreques, tiveron a oportunidade de practicar expresión oral en inglés.

Agradecemos a Thelma a súa participación e animamos a todos os interesados a que acudan nestas vacaciónsde verán á Escola de Teatro para realizar similares actividades.

VIAXE A PADRÓN, SANTIAGO E GRES

2011-05-19T12:33:00.001+02:00

Organizado polo Departamento de Galego tivo lugar o pasado día 4 de maio unha aproveitada xornada na que 30 alumnos de primeiro de bacharelato percorreron tres lugares emblemáticos da xeografía cultural de Galicia.

Visita á casa de Rosalía de Castro: Entre as dez e media e once e media visitamos a casa e os xardíns da casa de Rosalía en Padrón onde puidemos ver as lembranzas da súa vida e da súa familia que alí se gardan.

Visita á Cidade da Cultura: De doce a dúas menos cuarto asistimos a unha visita guiada ás instalacións da Cidade da Cultura no monte Gaiás. Alí puidemos ver os dous edificios en funcionamento, Biblioteca e Arquivo e os outros dous cuxa construción está moi avanzada, (Museo e servizos centrais). A visita incluíu unha explicación demorada de proxectos, ritmos etc. Aínda que o máis que cobizou ao mozos e mozas foi subir polo tellado pino.

En Santiago de Compostela fixemos a parada de dúas horas e cuarto para xantar libres pola cidade.

Visita a Gres Ás cinco da tarde tivemos un emocionante encontro co escritor Xosé Neira Vilas quen nos contou a súa vida e nos ensinou a activa Fundación que leva o seu nome.

Despois fixemos un percorrido polas "insuas de Gres", unha das paisaxes máis fermosas do noso territorio, formada por varías illas no cauce do río Ulla, xusto ao pé da Ponte Ledesma onde tivo lugar unha das máis importantes batallas contra os franceses en 1809.

Chegamos de volta sobre as oito da tarde despois de pasar un día magnífico.

PALABRAS, FROITOS DA LINGUA

2011-05-06T23:09:00.001+02:00

Como inicio da celebración do DÍA DAS LETRAS GALEGAS, O Equipo de Potenciación da Lingua, en colaboración co Departamento de Lingua Galega e Literatura e coa Biblioteca e organizou unha actividade especial. Trátase do concurso PALABRAS, FROITOS DA LINGUA, no que cada participante elaborou unha froito e escribiu unha palabra especial para el, ben por ser coñecida, por estar en perigo de extinción ou por algunha razón afectiva persoal.

Todas as froitas foron penduradas das árbores do patio e así, ben engalanadas, exhibirán a súa beleza.

No acto de inauguración da mostra contamos co acompañamento dun grupo de gaiteros e de cabezudos que festexaron con nós este acto de exaltación da lingua.

Tamén entregamos os premios ás mellores froitas e ás mellores palabras.

"Os adolescentes que len son máis alegres"

2011-05-03T20:02:00.006+02:00

Así o indica un estudo publicado na revista Archives of Pediatric and Adolescent Medicine. Parece ser que os adolescentes que len son máis alegres e son menos propensos á depresión, ao contrario do que sucede con aqueles que pasan moitas horas escoitando música.

Aquí vai o enlace á noticia completa.

Verdade ou mentira, sempre hai mil razóns para que os libros sigan sendo bos compañeiros do noso lecer.

CONCURSO DE MARCAPÁXINAS (2008-2011)

2011-04-18T14:47:00.005+02:00

Cando no curso 2007-2008 puxemos en marcha o CONCURSO DE MARCAPÁXINAS, non podíamos sospeitar que iamos contar cunha colleita tan abondosa e significativa .

Por unha parte, hai que salientar o notable éxito de participación, que nos levou a entregar varios accésits para recoñecer o esforzo de tantos alumnos e a valía de todos os marcapáxinas presentados.

Ademais, a calidade plástica dos mesmos e o interese dos slogans presentados fannos pensar que a iniciativa resultou un extraordinario éxito que, por suposto, haberá que manter para anos próximos.

Despois de catro edicións, cremos chegado o momento de reunir todos os marcapáxinas premiados, como proba evidente do extraordinario talento do noso alumnado e tamén como agradecemento noso por teren respondido con tanto entusiasmo á nosa proposta.

A todos, moitas felicidades!

MARCAPÁXINAS 2008
FABIO PERIANES

MARCAPÁXINAS 2009
MARGARIDA RODRÍGUEZ TILVE

MARCAPÁXINAS 2010

PAULA CONDE LAMA IAGO ROMÁN VÁZQUEZ

MARCAPÁXINAS 2011

IAGO ROMÁN VÁZQUEZ

DÍA DO LIBRO

2011-04-14T12:03:00.003+02:00

O Departamento de LINGUA CASTELÁ, en colaboración coa BIBLIOTECA, organizou unha Semana de Actos en conmemoración do DÍA DO LIBRO, celebración anticipada neste curso por mor da súa coincidencia coas vacacións de Semana Santa.

Comezamos a semana facendo un pouco de historia e recordando o bo facer literario de moitos dos nosos ex-alumnos. E fixémolo mediante unha EXPOSICIÓN DAS PUBLICACIÓNS cos TRABALLOS PREMIADOS nos Concursos Literarios que el Departamento de lingua Castelá realizou desde o primeiro curso de existencia do instituto (1977-1978). Concursos que se convocaban ao principio con motivo da festividade de Sto Tomás de Aquino e, xa máis adiante, celebrando o Día do Libro.

E rematamos ao grande no salón de actos, con dúas actuacións do incrible CRISPÍN D'OLOT, xograr do século XXI, quen, como xa ocorrera o ano pasado, nos introduciu dunha maneira moi amena no disfrute da literatura culta e popular. O xoves actuou para 4º de ESO e 2º de BACH, con textos literarios dos séculos XIX e XX; o venres, para 3º ESO e 1º BAC, con textos desde a Idade Media ao século XVIII. Organizáronse dúas sesións para que Crispín puidese recoller en cada unha contidos correspondentes a estes cursos, do programa de literatura castelá.

Pechamos a sesión do venres coa ENTREGA DE PREMIOS. O Departamento de Lingua castelá entregou os do CONCURSO LITERARIO e a Biblioteca, os correspondentes ao CONCURSO DE MARCAPÁXINAS 2011, fallado xa no primeiro trimestre.

POEMAS ÁS PEQUENAS COUSAS

2011-03-24T09:21:00.005+01:00

E como a poesía non é necesariamente solemnidade, preparamos esta selección de poemas en galego e castelán acerca daquelas pequenas cousas humildes e sinxelas que están ao noso carón e moitas veces nos pasan desapercibidas ou as situacións da rotina do día a día, que nos acompañan ao longo da existencia.

Open publication - Free publishing - More literatura

DÍA MUNDIAL DA POESÍA

2011-03-22T12:38:00.002+01:00

A Biblioteca, un ano máis, preparouse convenientemente para a celebración do DÍA MUNDIAL DA POESÍA.

Por unha parte, montamos unha exposición de poemarios.

Tamén penduramos unha selección de poemas ás pequenas cousas

E estamos organizando un RECITAL DE POESÍA que celebraremos en datas próximas.

CONCURSO DÍA DO LIBRO 2011

2011-03-18T10:37:00.001+01:00

Open publication - Free publishing - More litterature

ENTROIDO 2011

2011-03-10T09:06:00.004+01:00

Un ano máis no instituto celebramos por todo o alto o Entroido e houbo, coma sempre, variados e divertidos disfraces e, sobre todo, moito moito humor.
Reunidos no Salón de Actos para o tradicional concurso.
Exerceron magnificamente o seu papel de presentadores Martín González e Carmen Doval e contamos nesta ocasións coa colaboración de dúas notables personalidades: como técnico de son o Sr. Pablo Iglesias e como fotógrafo co Sr. Felipe González. Nada menos!

Despois repartíronse os premios do Concurso de Caretas organizado polo Departamento de Plástica e tamén os premios dos concursos de disfraces, este ano dotados con extraordinarios premios de moita moita pasta.

ENCONTRO CON ROSA ANEIROS

2011-01-31T18:05:00.008+01:00

Esta tarde veunos visitar Rosa Aneiros. No Salón de Actos tivo lugar o encontro da escritora cos alumnos de 1º de Bacharelato para falar da novela Resistencia que todos eles están lendo.

Rosa falou da súa experiencia como escritora, contou algúns aspectos do proceso de creación da novela e conversou cos alumnos acerca da súa actividade literaria e profesional.

Na biblioteca contamos con exemplares doutras obras da autora, dispostos para a súa lectura. Animádevos!

PREMIOS SOBREMESAS E POSTAIS

2010-12-24T14:27:00.002+01:00

Un ano máis celebramos na cafetería o CONCURSO DE SOBREMESAS DE NADAL. Hai que salientar a calidade de todos os pratos, xunto coa súa esmerada presentación.

Logo dunha longa deliberación, o xurado decidiu conceder os seguintes premios.

1º Premio: Pablo Babarro (4º C), que presentou un tiramisú .
2º Premio: Julen Guijarro Villavicencio (1º C), cun turrón de Xixona.
3º Premio: Victoria Sesto Muñoz (4º A), autora dunha tarta de 3 chocolates.

Todos eles recibiron, xunto cos premios en metálico, algún que outro agasallo para animalos a continuar practicando esta nobre arte da repostería.

E as sobremesas tiveron moitos voluntarios desexosos de comprobar en propia boca as virtudes dos nosos cociñeiros.

A continuación entregáronse os premios do concurso de POSTAIS DE NADAL EN ALEMÁN.

NADAL INTERCULTURAL

2010-12-24T14:13:00.002+01:00

Como despedida do ano, na Biblioteca recuperamos a celebración do Nadal Intercultural no que os alumnos procedentes doutros países nos contan como se celebran estas festas.

Nesta ocasión dous alumnos explicáronnos as tradicións de Venezuela e China e a lectora de alemán falounos das celebracións no seu país.

Aprendemos costumes curiosos e divertidos e fixósenos a boca auga coas comidas tradicionais. Só faltou a proba, pero todo se andará!

A PANXOLIÑA DO TUENTI

2010-12-23T10:39:00.003+01:00

Este ano as actividades de Nadal tiveron como novidade a "Panxoliña do tuenti", elaborada polos alumnos de 1º C de ESO. Despois da súa interpretación colectiva no patio, os rapaces fixeron un percorrido pola cidade: comercios, oficinas, entidades bancarias, Concello... felicitando deste modo as festas a todos os ourensáns.
Regresaron ao centro moi satisfeitos da experiencia e tamén dos "bos froitos" obtidos en forma de substancioso aguinaldo.
Noraboa!

Bo Nadal!

MARCAPÁXINAS 2011

2010-12-22T10:44:00.010+01:00

Xa temos gañador do Concurso de Marcapáxinas 2010.

O Xurado acordou conceder os seguintes premios:

-1º PREMIO e, en consecuencia, “Marcapáxinas 2009: “Déixate atrapar”, de IAGO ROMÁN VÁZQUEZ, de 2º Bacharelato C

Asemade, e tendo en conta a ampla participación e a calidade dos marcapáxinas presentados, o Xurado acordou conceder as seguintes mencións:

-JULEN GUIJARRO VILLAVICENCIO: “Cada libro é unha aventura. Súmate a ela (1º ESO C)

-LUCÍA DONIZ: “ Crearás un mundo” (1º ESO B)

-BERNARDO LÓPEZ RODRÍGUEZ: “O seu pai é a lectura” (4º ESO A)

Realizarase tamén unha exposición con todos os marcapáxinas presentados.

Noraboa aos premiados!

SESIÓN DE CONTACONTOS

2010-12-17T13:00:00.006+01:00

Esta mañá no Salon de Actos realizouse unha divertida actividade de contacontos dirixida ao alumnado de 1º e 2º de ESO. Foi organizada polo Departamento de Lingua Castelá coa colaboración da editorial Vicens Vives e desenvolveuse en dúas sesións durante as cales os alumnos puxeron a proba o seu enxeño.

ANA MARÍA MATUTE, PREMIO CERVANTES 2010

2010-12-10T11:39:00.001+01:00

O Premio Cervantes, considerado o Nobel español, por ser o galardón máis prestixioso das letras hispanas, recaeu este ano na novelista española ANA Mª MATUTE (Barcelona 1925), por toda a súa traxectoria literaria e polo maxisterio demostrado como “escritora realista y con proyección a lo fantástico”.
Tras anos nos que o seu nome viña sonando para este premio, recoñécese por fin a unha autora mestra na arte de contar, allea a modas literarias e amante da natureza, do medieval e da mirada infantil. Entre a súa extensa obra narrativa, coa que conseguiu case todos os premios, lembramos: Pequeño teatro (Premio Planeta en 1954), Los hijos muertos (Premio Nacional de Literatura en 1959), Primera memoria (Premio Nadal en 1959), Sólo un pie descalzo (Nacional de Literatura Infantil y juvenil en 1984) ou as máis recentes Olvidado Rey Gudú e Paraíso inhabitado. En total, doce novelas e varios volumes de contos, reunidos estes últimos baixo o título La puerta de la luna, que se publicou este ano.
Ana Mª Matute convértese así na terceira muller en recibir o Premio Cervantes, trala pensadora española Mª Zambrano ( 1988) e a poetisa cubana Dulce Mª Loynaz (1992). En 1996 foi tamén a terceira muller en entrar na RAE, trala escritora Carmen Conde e a historiadora Carmen Iglesias (hoxe hai tres académicas máis, a científica Margarita Salas, a filóloga Inés Fdez Ordóñez e a tamén escritora Soledad Puértolas). Matute é probablemente a única escritora que recoñeceu abertamente que lle gustaría gañar o Premio Cervantes ; “ Daría saltos de alegría”, afirmaba nunha reciente entrevista no diario El País.
Na Biblioteca dispoñemos dalgúns títulos desta autora.

A PANXOLIÑA DO TUENTI

2010-12-01T22:20:00.004+01:00

Xa próximo o Nadal, os alumnos de 1º de ESO, baixo a dirección das profesoras Mercedes Seixo e Mercedes Lozano, crearon esta moderna panxoliña coa que agora nos agasallan para transmitirnos a súa felicitación musical.

No Tuenti acabo de ler
que hoxe en Belén naceu o Neno.
Imos mandarlle un e-mail
para dicirlle canto o queremos.

Retrouso:
Nenos e nenas vinde chatear
que Xesús acábase de conectar,
vinde chatear, vinde chatear,
vinde chatear, vinde chatear.

Din que ten conta en gmail
pero o enderezo eu non o teño
nenogmail.com
falta a @ onde a metermos.

(Retrouso)

No tablón voulle pedir
que suba unha foto do seu nacemento.
Quero ser o seu amigo
xogar co Towner e coa Nintendo.

(Retrouso)

A panxoliña do Tuenti
está acabando, vai rematar
que teñades boas festas
e o aguinaldo xa preparar.

UN ESCRITOR COHERENTE

2010-11-19T12:37:00.007+01:00

Agustín Fernández Paz dá a coñecer neste comunicado as razóns da súa renuncia ao Premios da Cultura Galega.

Fernández Paz rexeita o Premio da Cultura Galega por coherencia

O escritor, nun comunicado, declina aceptar o galardón e explica que os seus motivos están no manifesto que Prolingua publicou o 8 de outubro

O escritor Agustín Fernández Paz rexeitou o Premio da Cultura Galega das Letras que lle foi concidido onte polo xurado presidido polo conselleiro de Cultura, Roberto Varela. Mediante un comunicado, Fernández Paz agradeceu a decisión do xurado de recoñecer a súa traxectoria, pero non o acepta. “Quero expresar a miña gratitude ás persoas do xurado por pensaren en min. Mais debo lembrar que, cando os Premios da Cultura Galega foron convocados eu manifestei o meu desacordo con eles. Sigo a pensar o mesmo. En coherencia, non podo aceptar este premio”, explicou no comunicado .

No seu escrito, Fernández Paz non especifica os seus motivos, xa que se remite ao manifesto publicado por Prolingua o 8 de outubro que solicitaba a todos os intelectuais do país que, en caso de ser premiados, rexeitaran eses galardóns. O principal motivo que expuña Prolingua no citado manifesto –titulado Rosalía nunca aceptaría ese premio– é o trato que a Xunta de Galicia está a ter coa lingua e a cultura galega. “Nin a actual Xunta nin o seu Presidente, responsables ante a Historia de lexislaren por vez primeira contra a nosa lingua, poden atribuírse agora o papel de benfeitores da cultura galega. Polo tanto xulgamos lexítimo non aceptar ningún premio que veña hipotecado por agresións contra a cultura”, sinálase nese manifesto. Fernández Paz, polo tanto, fai seus os motivos de Prolingua, colectivo do que forma parte.

Pode lerse a noticia completa publicada no Xornal

Os nosos parabéns ao escritor pola coherencia e dignidade que amosa unha vez máis.

OS PERIGOS DAS NOVAS TECNOLOXÍAS

2010-11-19T12:16:00.002+01:00

O xoves 18 de novembro ás 11:30 h, os alumnos de 1º de ESO do noso Centro, acudiron ao Salón de Actos para escoitar unha charla que deu un inspector da Policía Nacional de nosa cidade, sobre os riscos que ten o uso das novas tecnoloxías: uso do móbil, as redes sociais, descargas de distinto tipo e todo o relacionado con Internet e o mundo que abrangue. O alumnado amosou gran interese e participou activamente non so coa súa atención senón tamén con preguntas interesantes sobre o tema.

DÍA DE SAN MARTIÑO

2010-11-19T11:54:00.003+01:00

Un ano máis celebramos o Día de San Martiño con xogos tradicionais e actividades deportivas. E no remate, o xantar no que, por suposto, non faltaron as castañas asadas.

EL QUIJOTE INTERACTIVO

2010-11-14T18:23:00.005+01:00

El Quijote interactivo:

Unha xoia coa que nos agasalla a BIBLIOTECA NACIONAL. Contén a versión interactica da primeira e segunda partes da I edición do Quijote, en versión orixinal ou transcrita, ao noso gusto. Inclúe tamén gravados, música, reportaxes, edicións ao longo do tempo... ata un mapa de aventuras de don Quijote. Para disfrutalo!

TODO É SILENCIO

2010-11-09T23:25:00.001+01:00

O Booktrailer de promoción da novela «Todo é silencio» de Manuel Rivas, editada orixinalmente en lingua galega por Edicións Xerais de Galicia.
A peza audiovisual foi deseñada e montada por David Rodríguez. A música e a interpretación é de Lara Domínguez. (En Brétemas)

PREMIOS LITERARIOS

2010-11-08T17:07:00.002+01:00

O NOBEL de LITERATURA 2010 foi concedido a MARIO VARGAS LLOSA, escritor peruano con nacionalidade española desde 1993. Este merecido premio, longamente agardado polos lectores deste gran novelista, convértese no undécimo Nobel da literatura en lingua castelá, concedido con anterioridade a outros escritores españois (J. Echegaray en 1904, J.Benavente en 1922, J.R.Jiménez en 1956, V. Aleixandre en 1977 e C.J.Cela en 1989) e hispanoamericanos (a chilena Gabriela Mistral en 1945, o guatemalteco Miguel A. Asturias en 1967, o chileno P. Neruda en 1971, o colombiano G. García Márquez en 1982 e o mexicano Octavio Paz en 1990).

De Vargas Llosa dispoñemos na Biblioteca dalgunhas das súas novelas como La ciudad y los perros, Pantaleón y las visitadoras, La tía Julia y el escribidor,¿Quién mató a Palomino Molero? e tamén a súa última novela, publicada estes días, El sueño del celt , baseada na apaixonante vida do irlandés Roger Casement (1864-1916), personaxe real que según o escritor tuvo una vida muy aventurera y realmente novelesca”. Tres anos dedicou V. Llosa a reconstruír a vida deste personaxe, defensor dos dereitos humanos: "No me acuerdo cuándo descubrí a este personaje, pero sí que fue al leer una biografía de Joseph Conrad. Al principio me despertó la curiosidad, sobre todo porque vi que había estado en la Amazonía, en el Perú amazónico. Empecé a buscar materiales sobre él y cuando me quise dar cuenta ya me había atrapado", dixo o escritor.

O PLANETA 2010, un dos premios literarios xunto co Nobel e o Cervantes mellor dotado economicamente e que xa vai pola 59ª edición, foi concedido ó novelista barcelonés EDUARDO MENDOZA pola novela Riña de gatos. Madrid 1936, presentada baixo o título provisional de La muerte de Acteón e baixo o pseudónimo de Ricardo Medina. Narra a vida dun experto británico en arte que chega a Madrid na primavera previa ó alzamento militar de Franco para autentificar un cadro de Velázquez descoñecido ata entón. "Una novela de las que me gusta leer y de las que me gusta escribir (...) con una trama de ficción en un marco rigurosamente cierto” declarou Mendoza tras coñecer o galardón.

O novo Premio Planeta é un dos novelistas máis coñecidos e de maior éxito comercial do panorama literario español na actualidade. A súa primeira novela La verdad sobre el caso Savolta foi considerada a precursora da narrativa española postfranquista ; esta novela era lectura obrigatoria en 2º de bacharelato ata o curso pasado . Mendoza é ademais un mestre do humor e da parodia, así nolo mostran novelas como El misterio de la cripta embrujada, El laberinto de las aceitunas ou Sin noticias de Gurb…, novelas que tamén teñen sido de lectura obrigatoria no Instituto.

Unindo ambas novas literarias, hai que lembrar que o Nobel 2010 tamén foi gañador do Planeta en 1993 pola novela Lituma en los Andes.

CLUB DE LECTURA

2010-11-08T16:46:00.002+01:00

O pintor do sombreiro de malvas de Marcos Calveiro

Retomamos a actividade do Club de Lectura, mantendo as dúas seccións dos cursos anteriores : unha para os pequenos de 1º e 2º da ESO e a outra, a partir de 3º da ESO.

As obras seleccionadas neste primeiro trimestre son:Otra vida para Cristina de Marta Rivera de la Cruz e O pintor do sombreiro de malvas de Marcos Calveiro.

(Máis información no blog do club de lectura: http://clubdelecturaaslagoas.blogspot.com/

FORMACIÓN DE USUARIOS

2010-11-08T16:22:00.001+01:00

Durante o mes de outubro os catro grupos de 1º da ESO baixaron á Biblioteca na hora de titoría. A cada grupo de alumnos, acompañados das súas titoras, fóiselle explicando as normas de funcionamento da Biblioteca, do servizo de préstamo, de cómo se pode buscar un libro nos distintos andeis ou do uso dos ordenadores. Ó final das visitas, agasallouse a cada alumno cun dos marcapáxinas premiados o curso pasado.

CONCURSO DE MARCAPÁXINAS 2010

2010-11-04T09:05:00.003+01:00

A BIBLIOTECA, en colaboración co EQUIPO DE NORMALIZACIÓN LINGÜÍSTICA, convoca un ano máis o

CONCURSO DE MARCAPÁXINAS

de acordo coas seguintes

BASES:

I. FORMATO
Material: Cartolina
Tamaño: 21 x 5
Pode empregarse calquera técnica pictórica (acuarela, acrílico…)

II. TEMA
O marcapáxinas conterá:
Un debuxo que faga referencia á lectura ou aos libros.
Un texto, escrito en lingua galega, que pode ser unha frase, un slogan ou unha cita literaria animando a ler ou acerca da lectura.

III. PRAZO
O prazo remata o día 16 de decembro de 2010.
Os participantes entregarán na Biblioteca o seu marcapáxinas, que estará asinado cun lema ou pseudónimo. Acompañaran o marcapáxinas dun sobre: no exterior escribirán o mesmo lema ou pseudónimo e no interior introducirán un papel cos seus datos persoais.

IV. PREMIO
O marcapáxinas gañador será premiado con 50 € en metálico. Este marcapáxinas, convertido en marcapáxinas 2010, será reproducido e entregado como avasallo da Biblioteca. Tamén será reproducido no blog da biblioteca.

ANÍMATE E PARTICIPA!

BIBLIONOVAS

2010-06-02T08:49:00.001+02:00

Un novo exemplar de Biblio-novas, o Boletín do Equipo de Biblioteca, no que se detallan as principais actuacións desenvolvidas ao longo deste curso.

Open publication - Free publishing - More news

PRIMEIRO CERTAME DE EXPRESIÓN ORAL

2010-05-19T20:11:00.001+02:00

Co motivo de conmemorar o día das nosas letras, o martes día 18, ás 12,30 celebrouse no salón de actos do noso instituto o Primeiro Certame de Expresión Oral CANTOS CONTOS. Participaron numerosos grupos, sobre todo dos cursos de ESO. Que lles pasa aos de bacharelato????

O xurado felicitou aos participantes polo seu entusiasmo e pola súa competencia no uso oral do idioma así como pola súa expresividade e simpatía. Confesaron que o fallo non foi fácil xa que eran moitas as clases que se fixeron merecedoras do premio que ao final recaeu en 1º C. Deste grupo destacaron a súa boa dición e expresividade.

O público aplaudiu de forma entusiasta todas as intervencións pero de xeito especial o conto de Sechu Sende titulado “Eu fixen güija co espíritu de Castelao” que fixo rir ruidosamente, pola graza e bon facer dos intérpretes, a todos os asistentes.

UXÍO NOVONEYRA

2010-05-09T20:37:00.002+02:00

Algúns poemas de Novoneyra na voz do propio poeta

BIBLIOBURRO CON ALFA E BETO

2010-05-05T19:26:00.001+02:00

Elisa envíanos esta noticia que nos fala do traballo dun home de Colombia para levar os libros ata as zonas máis recónditas do país empregando burros de carga, Alfa e Beto. Os nenos destas remotas zonas, ás que non chegan as escolas, poden deste modo coñecer os libros e disfrutar da festa da lectura.

Unha fermosa iniciativa que nos axuda a decatarnos das moitas dificultades que teñen nalgúns lugares para acceder aos libros. E tamén para que recoñezamos as moitas facilidades que nós temos para acceder á cultura, algo ao que non sempre damos todo o aprecio e importancia que merece.

Podemos ver a noticia pinchando aquí

DÍA DO LIBRO CON CRISPIN D´OLOT

2010-04-26T17:17:00.006+02:00

Este ano puidemos celebrar o Día do Libro ao grande. Tivemos a honra de escoitar e disfrutar do ben facer dun xograr do noso tempo, Crispín D'Olot, que fixo para nós un bo percorrido pola Literatura escrita en castelán. Ofreceunos dúas sesións para achegarse aos programas da materia (Literatura Castelá) dos cursos 3º ESO e 1º Bach. por unha banda e 4º e 2ºBach por outra.
Axudado coa música, xestos e voz regalounos unha boa mostra dos textos principais de todos os tempos, dando vida á Literatura, dun xeito divertido. Moitos personaxes literarios déronse cita no noso Salón de Actos para demostrar a quen aínda non o soubese que a Literatura non ten por que ser una materia aburrida, senón a vida mesma feita palabra.

Aquí vai o enlace á súa web

A continuación, entregáronse os premios do CONCURSO LITERARIO

E posteriormente tivo lugar unha lectura colectiva na Biblioteca na que os alumnos aproveitaron para deixarnos as súas recomendacíóns de lectura.

BOOK, un revolucionario dispositivo de coñecemento

2010-04-22T10:18:00.002+02:00

OS XOVES SI LEN

2010-04-21T20:42:00.012+02:00

Nestes días nos que estamos preparando os actos de celebración do DÍA DO LIBRO, o diario El Mundo publica unha informacións segundo a cal "a estatística desmonta o mito de que os xoves non len".

O xornal recolle un estudo realizado polo Barómetro de hábitos de lectura y compra de libros de la Federación de Gremios de Editores de España (FGEE) do que se extraen algúns datos ben interesantes:

-O índice de lectura nos xoves entre 14 e 24 anos sitúase no 70,5 %.

-E entre os 10 e 13 anos chega ao 91,2 %.

-O nivel de estudos é determinante para o hábito de lectura, xa que a maior nivel de estudos detéctase unha maior porcentaxe de lectores: 0 82 % dos que teñen estudos universitarios, o 60 % entre dos que teñen estudos secundarios e cae ao 31,1 % nos que só teñen estudos primarios.

En palabras de Elsa Aguiar, do Grupo SM, "moi probablemente, estes lectores non van deixar de selo a medida que crezan, así que podemos supor que nos próximos anos haberá un paulatino crecemento da taxa de lectura en España, como vén sucedendo nos últimos anos".

Unha información esperanzadora que nós compartimos e que nos anima a continuar desenvolvendo estratexias de animación á lectura entre os nosos estudantes.

AGASALLO DA BIBLIOTECA DE FRIOL

2010-04-21T18:42:00.012+02:00

Hoxe recibimos de parte da Biblioteca do CPI Dr. López Suárez. de FRIOL un agasallo moi especial: o selo "Vale a pena picar de olho nese blog!" que agradecemos moitísimo.

A aceptación deste agasallo supón a aceptación destas condicións:
• Incrustar a imaxe do selo cunha ligazón ao blogue que nos outorgou o premio.
• Enlazar outros 10 blogs que, na nosa opinións, tamén merece a pena visitar. E, aínda que é moi difícil a escolla entre tantos marabillosos como existen, decidimos seleccionar os seguintes:

O recanto de Mik

Biblioteca IES de Allariz

Bibliochivite

Biblioantioquia

Ars legendi

Parabéns para todos.

DÍA DA POESÍA

2010-03-22T16:56:00.009+01:00

O 21 de marzo foi declarado pola UNESCO o Día Mundial da Poesía. Desde a biblioteca quixemos sumarnos a esta celebración e organizamos unha exposición de libros de poesía. Tamén penduramos poemas para que todos os que acudan á biblioteca poidan levan de agasallo un poema dalgún dos autores máis significativos da literatura universal. Poemas de moi diversos temas, escritos en galego, en castelán, en inglés, en francés, en portugués, en italiano, en alemán... para todos os gustos.

E hoxe, máis ca nunca, temos presentes os versos de Bécquer:

RIMA IV
No digáis que agotado su tesoro,
De asuntos falta, enmudeció la lira:
Podrá no haber poetas; pero siempre
Habrá poesía.

Mientras las ondas de la luz al beso
Palpiten encendidas;
Mientras el sol las desgarradas nubes
De fuego y oro vista;

Mientras el aire en su regazo lleve
Perfumes y armonías,
Mientras haya en el mundo primavera,
¡Habrá poesía!

Mientras la ciencia a descubrir no alcance
Las fuentes de la vida,
Y en el mar o en el cielo haya un abismo
Que al cálculo resista;

Mientras la humanidad siempre avanzando
No sepa a dó camina;
Mientras haya un misterio para el hombre,
¡Habrá poesía!

Mientras sintamos que se alegra el alma
Sin que los labios rían;
Mientras se llora sin que el llanto acuda
A nublar la pupila;

Mientras el corazón y la cabeza
Batallando prosigan;
Mientras haya esperanzas y recuerdos,
¡Habrá poesía!

Mientras haya unos ojos que reflejen
Los ojos que los miran;
Mientras responda el labio suspirando
Al labio que suspira;

Mientras sentirse puedan en un beso
Dos almas confundidas;
Mientras exista una mujer hermosa,
¡Habrá poesía!

ENTREGA DOS PREMIOS DO CONCURSO DE MARCAPÁXINAS

2010-03-04T16:50:00.009+01:00

Nesta edición do CONCURSO DE MARCAPÁXINAS 2010, convocado polo Equipo de Potenciación e a Biblioteca, o Xurado, ante a elevada participación e a alta calidade dos marcapáxinas presentados, decidiu conceder dous primeiros premios, que corresponderon a:

PAULA CONDE LAMA, de 2º de Bacharelato E

e IAGO ROMAN VÁZQUEZ, de 1º de Bacharelato D.

Asemade, foron recoñecidos con accésits os realizados por: IRENE ALONSO ORTEGA (1º de ESO D) ALBA PÉREZ FERNÁNDEZ (3º A)

SAMUEL DAPÍA (3º A)IREA CARBALLO SEARA (4º C)
O Xurado felicita a todos os premiados e salienta que a calidade e variedade dos deseños e dos slogans avalan a consecución dos obxectivos propostos: a animación á lectura e a potenciación da lingua galega.

HOMENAXE A MIGUEL HERNÁNDEZ

2010-03-04T16:48:00.003+01:00

O pasado día 3 de marzo na Biblioteca do Instituto, celebramos o noso pequeno homenaxe a Miguel Hernández con motivo do centenario do nacemento deste poeta alicantino. Mesturamos a súa poesía recitada por algúns dos nosos alumnos con outros poemas aos que puxeron música Joan M. Serrat, Mayte Martín e Jarcha para recordar a figura deste sinalado home das letras . Estiveron presentes no acto os alumnos de 3º ESO A , grupo ao que pertencen os recitadores do acto, así como os gañadores do concurso de marcapáxinas. Estes últimos estiveron presentes porque o acto rematou coa entrega de premios do mencionado concurso.

ORGULLOS@S DO NOSO, ORGULLOS@S DO GALEGO

2010-02-22T21:26:00.004+01:00

A Coordinadora de Equipos de Normalización Lingüística acaba de pór en marcha a campaña ORGULLOS@S DO NOSO, ORGULLOS@S DO GALEGO, unha campaña na que participan Martín Rivas, Belén Regueira, Antón Reixa, Susana Seivane, Luís Tosar e María Castro.

Tal e como podemos ler na súa web http://www.coordinadoraendl.org/orgullo/ "Este é un espazo onde queremos mostrar o orgullo que temos os galegos e as galegas pola nosa lingua. Sexa cal sexa a cor da nosa pel, onde naceramos, de quen veñamos sendo, ou se nos gusta máis a lúa ou o sol, somos moitos e moitas os que estamos orgullosos de termos unha lingua propia. Aquí encontrarás videos, materiais para imprimir e distribuír como queiras, cando queiras e con quen queiras, e moitas, moitas persoas coma ti que presumen da nosa lingua, do galego."

TESTAMENTO DO MECO

2010-02-18T17:12:00.011+01:00

Esta mañá despedímonos do Meco e, entre bágoas, queimámolo na fogueira, pois este é o destino certo que todos os anos lle agarda. Tamén escoitamos a lectura do seu Testamento que foi realizada polo señor Notario.
Esperamos que regrese o ano próximo en que o recibiremos como se merece.

MECO 2010

2010-02-11T10:26:00.005+01:00

O noso Meco xa loce pendurado ben alto, como testemuña e pregoeiro do Entroido.

Os alumnos de 4º de Diversificación, dirixidos pola súa profesora Hortensia, foron os encargados de preparalo e deixárono, como pode verse, ben campante.

Aquí van algunhas imaxes que recollen as distintas etapas da súa elaboración.

DECÁLOGO PARA SER LINGÜISTICAMENTE SOSTIBLES

2010-01-20T10:22:00.004+01:00

Recollemos de O SEGREL DO PENEDO este traballo colaborativo "Decálogo para ser lingüisticamente sostibles" elaborado no 2008 polas Universidades Catalás. Foi traducido por Adelia Troncoso, do IES Val do Tea, de Ponteareas, e deseñado polo CEIP Frián de Treis. A todos eles o noso agradecemento por compartir este material que nos axuda a reflexionar sobre as linguas.

CONCURSO DE RECEITAS EN TEMPO DE NADAL

2010-01-14T10:41:00.003+01:00

Este ano preparámonos para o Nadal celebrando un concurso de receitas.
Agradecemos a todos os participantes a elaboración das sobremesas coas que nos agasallaron. Felicitamos ás premiadas e esperamos que dean bo uso ao gorro con que foron obsequiadas. E animamos a todos a ir pensando nun pastel ou torta para o próximo Nadal, pois o ano que vén repetiremos a experiencia.

Neste libro podedes ver distintas imaxes dos participantes,do xurado e do público que agardaba impaciente a proba, e tamén podedes ver as súas receitas e probar a elaboralas se así o desexades.

O APALPADOR

2009-12-22T08:40:00.015+01:00

A profesora de galego Eva Méndez falounos hoxe do Apalpador, un personaxe mítico moi ben coñecido polas terras do Courel, de Lóuzara, do Cebreiro e dos Ancares. Eva contounos as súas lembranzas infantís nas terras do Courel, as historias que lle contaban os seus pais e as que ela se encargou de transmitir ás xeracións máis novas.
O Apalpador -ou Apalpabarrigas- é un vello xigante que anda vestido con roupas vellas e fuma en pipa. Vive nas devesas do Courel, de Lóuzara, do Cebreiro e dos Ancares e que se dedica a facer carbón.

A noite do 31 de Decembro entra nas casas e apalpa as barrigas dos nenos para ver se teñen fame ou están ben mantidos. Se as barrigas estaban cheas, desexáballes que o próximo ano tampouco pasasen fame e dicíalles: "así, así esteas todo o ano" e deixáballes unha presa de castañas como agasallo e lembranza da súa visita.

Os nenos debían deitarse cedo, e así llelo indicaban os seus pais con esta canción, recollida en Romeor de Caurel en decembro de 1994 e interpretada por unha labrega de 79 anos (Amadora Fonte)

Vaite logo, meu meniño (miña meniña)
marcha agora para a camiña
Que vai vir o Apalpador
a apalparche a barriguiña.

Xa chegou o día grande
día do noso Señor.
Xa chegou o día grande
e virá o Apalpador.

Mañá é dia de cachel,
que haberá gran nevarada
e há vir o Apalpador
cunha mega de castañas.

Por aquela cemba
xa vén relumbrando
o señor Apalpador
para darvos o aguinaldo.

Picando neste enlace podemos ver escoitar a Eva falándonos do personaxe.

O noso Apalpador ten similitudes con outros personaxes do noroeste peninsular. É o caso do Olentzero vasco, que é un carboeiro que o día de Nadal lévalles agasallos aos nenos en todos os fogares de Euskadi. É un home groso, mal vestido e manchado de feluxe, tamén fuma en pipa e gústalle beber e comer, vive nas montañas facendo carbón vexetal no bosque e só baixa ás aldeas no inverno. Tamén nos recorda o o Esteru de Cantabria.

Sabemos deste modo que polo mundo adiante á hora de repartir agasallos entre os máis novos hai algo máis que o Papá Noel ou os Reis Magos. Xunto ao Apalpador, o Olentzero ou o Esteru, tamén anda o Caga Tió catalán, a Befana italiana ou o Kris Kringle alemán.

Para os interesados neste tema, dous libros que están xa na nosa biblioteca:

-Antón e o Apalpador, unha obra de Manuel Castro e Mar Ameixeiras, con ilustracións de Francisco Ameixeiras, editado por Kalandraka

-E O Apalpador, o conto de Xoán G. editado por Biblos.

POEMA VANGARDISTA

2009-12-18T09:19:00.012+01:00

Antón García Cid é o autor deste fermoso poema, inspirado nos realizados polos poetas vangardistas de comezos do século XX.

TEMPO DE NADAL

2009-12-16T22:18:00.003+01:00

Xa próximo o Nadal propoñemos un interesante recurso na páxina de contidos da Consellería. Trátase do ESPECIAL DE NADAL que nos ofrece variada información sobre este tema.

Por exemplo, en O NADAL NO MUNDO dános a coñecer como se celebra esta festividade noutros lugares do mundo, en concreto un total de 24 países: desde Xapón a Exipto, pasando por Chipre, Colombia, Haití, Bélxica...

TRADICIÓNS DE NADAL achéganos o significado de moitas celebracións, ritos ou costumes destas datas.

En CANTOS DE NADAL atopamos uunha selección de Cantares de Nadal, Aninovo ou Reis. Entre estas nadaliñas seguramente

POEMA

2009-11-19T18:03:00.000+01:00

O noso muro de Berlín

2009-11-06T23:28:00.005+01:00

Esta semana o departamento de alemán rememorou o 20 aniversario da caída do muro de Merlín levantando un pequeno muro na entrada do instituto. Un numeroso grupo de alumnos de varios cursos aplicáronse na elaboración, montaxe e decoración do mesmo. Como pode verse nas imaxes que seguen.

O día 9 de novembro conmemoraremos igualmente o derrubamento do mesmo.

No blog de alemán infórmannos con máis detalle deste evento.

CONCURSO DE MARCAPÁXINAS 2010

2009-11-06T11:56:00.001+01:00

A BIBLIOTECA, en colaboración co EQUIPO DE NORMALIZACIÓN LINGÜÍSTICA, convoca un ano máis o
CONCURSO DE MARCAPÁXINAS,
de acordo coas seguintes

BASES:

I. FORMATO
Material: Cartolina
Tamaño: 21 x 5
Pode empreñarse calquera técnica pictórica (acuarela, acrílico…)

II. TEMA
O marcapáxinas conterá:
Un debuxo que faga referencia á lectura ou aos libros.
Un texto, escrito en lingua galega, que pode ser unha frase, un slogan ou unha cita literaria animando a ler ou acerca da lectura.

III. PRAZO
O prazo remata o día 17 de decembro de 2009.
Os participantes entregarán na Biblioteca o seu marcapáxinas, que estará asinado cun lema ou pseudónimo. Acompañaran o marcapáxinas dun sobre: no exterior escribirán o mesmo lema ou pseudónimo e no interior introducirán un papel cos seus datos persoais.

IV. PREMIO
O marcapáxinas gañador será premiado con 50 € en metálico. Este marcapáxinas, convertido en marcapáxinas 2010, será reproducido e entregado como avasallo da Biblioteca. Tamén será reproducido no blog da biblioteca.

ANÍMATE E PARTICIPA!

SAMAÍN

2009-10-28T21:22:00.010+01:00

Esta mañá os alumnos de 1º de ESO, coa súa profesora Eva Méndez, realizaron unha interesante actividade sobre o Samaín na biblioteca, convenientemente decorada para a ocasión con candeas e coas cabazas que eles mesmos prepararan.

Despois dunha presentación do significado e orixe desta festa, leron algúns contos de medo e tamén visionaron estes dous vídeos de MAMÁ CABRA que localizamos en you tube e que foron realizados na biblioteca do Ceip Mestres Goldar, aos que moito agradecemos o seu traballo.

2009-10-17T21:18:00.001+02:00

Do blog Clube Virtual de Lectura recollemos a Declaración Universal dos Dereitos do Libro, versión ao galego da redactada pola Asociación de Editores da rexión Centro de Francia.

Artigo 1
Os libros, todos os libros, teñen dereito a existir.

Artigo 2
Os libros son iguais entre eles, sen distinción da súa orixe, fortuna, nacemento, opinión ou editor.

Artigo 3
Todo libro ten dereito á vida, á súa comercialización, á sorte de ser exposto ao lector e ofrecer ao seu autor a posibilidade de ser escoitado e remunerado con xustiza.

Artigo 4
Todos son iguais ante a lei que os somete a igualdade de prezo en calquera lugar onde sexan expostos.

Artigo 5
Todos teñen dereito a que en todos os lugares se recoñeza a súa personalidade, a personalidade do autor e do editor.

Artigo 6
O libro, obra de imaxinación e de investigación, diríxese á imaxinación e ás necesidades do ser humano. Así que non debe ser tratado na súa comercialización como un produto simplemente de consumo.

Artigo 7
O libro é e será garante das nosas liberdades. Non pode en ningún caso ser sometido a aversión sexa polo plantexamento das súas ideas como pola súa misión fundamental de promover o libre intercambio das culturas, as mentalidades e os saberes.

Artigo 8
O libro, portavoz do espírito, da ciencia, de praceres, rexistro do saber, así como obra de creación, debe ser tratado coma un ben indispensable para a cultura, a promoción social e espiritual, a información, e non pode ser tratado como un vulgar obxecto de proveito.

UN VERÁN DE LIBROS

2009-06-13T20:20:00.006+02:00

Por fin chegaron as tan ansiadas vacacións e desde a Biblioteca preparamos para vós unhas propostas de lecturas para o verán.

Estas son as obras seleccionadas para os alumnos de Bacharelato:

Open publication - Free publishing - More holidays

Estas son as propostas para os cursos de ESO

Open publication - Free publishing - More holidays

Todos estes libros están á vosa disposición na biblioteca.
FELIZ VERÁN E FELICES LECTURAS

LECTURAS PARA O VERÁN

2009-06-10T17:31:00.002+02:00

Xa próximas as vacacións, incorporamos aos nosos fondos algúns dos títulos que están tendo maior aceptación entre os lectores novos. Son estes:

Corazón de tinta de Cornelia Funke, primeiro volume da serie Mundo de tinta.

La ladrona de libros, de Markus Zusak, a historia da nena que lle roubou as palabras a Hitler.

E algúns dos libros de Laura Gallego: os tres volumes de Memorias de Idhún e o último libro: Alas negras, publicado no pasado mes de abril, e do que incluímos a presentación na contraportada do libro:

“El ángel femenino Ahriel ha recobrado su libertad y obtenido su venganza, pero aún hay algo que debe hacer. Tras acudir a rendir cuentas a sus semejantes en la Ciudad de la Nubes, se dispone a reanudar la busquedad de mágica prisión de Gorlian para recuperar aquello que dejó atrás al escapar. Está decidida a hacer cualquier cosa para encontralo, incluso interrogar a la única parsona que sabe dónde se oculta. Llegar hasta ella no será fácil, pero Ahriel no estará sola está vez...”

Felices lecturas!

ENCONTRO CON JOAN MANUEL GISBERT

2009-06-08T16:26:00.007+02:00

Esta mañá recibimos a visita do escritor Joan Manuel Gisbert que nos falou do seu libro Los caminos del miedo, que estiveron lendo os alumnos de 2º de ESO. O autor comentou as circunstancias da súa creación, os motivos que o levaron a escribir estes relatos, e desvelou algunhas claves interpretativas dos mesmos.

No remate houbo tamén tempo para que os asistentes formulasen algunhas preguntas interesantes.

BIBLIO-NOVAS

2009-06-02T16:02:00.005+02:00

Primeiro número de Biblio-Novas, o Boletín do Equipo de Biblioteca, coa relación de actividades desenvolvidas ao longo deste curso.

Open publication - Free publishing - More news

ÚLTIMAS INCORPORACIÓNS

2009-05-26T11:53:00.003+02:00

Estas son algunhas das compras efectuadas nos últimos días. Unha selección de obras novelas interesantes que están xa á disposición de todos os lectores.

O CLUB DA CALCETA

2009-05-20T18:30:00.005+02:00

A novela O club da calceta, de María Reimóndez, editada en 2006 conta xa con versión teatral e cinematográfica.

A compañía Teatro do Morcego puxo en escena a adaptación teatral, con dirección de Celso Parada.

E acaba de presentarse a versión cinematográfica baixo a dirección de Antón Dobao, e producida por Ficción. A película tivo unha excelente acollida no Festival Internacional de cine de Famalicâo celebrado no pasado mes de marzo.

En flocos podemos ver xa o trailer: O club da calceta

A FLOR MÁIS GRANDE DO MUNDO

2009-04-30T17:43:00.005+02:00

Outro exemplo de adaptación cinematográfica dun texto literario é a curtametraxe A flor máis grande do mundo, adaptación do único conto para nenos do escritor portugués José Saramago, con guión e dirección de Juan Pablo Etcheverry e música de Emilio Aragón. Esta obra está incluída no portal FLOCOS do que xa temos falado en varias ocasións. Para vela, basta con picar na imaxe.

Argumento (tomado da propia páxina de Flocos):

"Un escritor -voz e imaxe do propio Saramago- que non se sente capaz de
escribir unha historia para nenos, comeza a relatar como sería esta historia que
quere contar. As súas palabras deixan paso á historia que o autor non é quen de
escribir.
O protagonista é un neno duns sete anos que unha tarde de verán decide
explorar o fascinante mundo existente a cinco minutos da súa casa. Durante esta
aventura chegará a un souto reseco e inhóspito onde atopa unha flor murcha. O
neno non dubida en axudar á flor para que recupere toda a súa beleza e vai na
procura de auga. O traballo para este neno é inmenso e esgotador, pero el pon
todo o seu empeño, e a flor non so renace, senón que medra dunha forma
fantástica converténdose na flor máis grande do mundo e, probablemente, na máis
fermosa.
Cando o escritor remata o seu relato decátase de que a historia xa nola
acaba de contar…“Ao remate foi doado contar a historia. Agora que xa coñeces o
argumento, como nola contarías ti?”

Don Quijote de la Mancha

2009-04-30T12:03:00.004+02:00

A relación entre cine e literatura é un tema moi interesante. Unha boa porcentaxe do cine está adaptado da literatura e, por tanto, a adaptación de textos literarios é unha fonte de recursos moi importante para os directores e guionistas de cine que crean en ocasións obras de gran calidade estética.

As adaptacións literarias levadas ao cine, á marxe dos consabidos debates, son un medio para darnos a coñecer as grandes obras da literatura universal e, mesmo, para animarmos a ler a continuación eses textos literarios.

En anteriores entradas xa temos incorporado algúns vídeos ou trailers de películas (tamén no blog do club de lectura). Iniciamos agora unha sección que iremos completando pouco a pouco, e para a que pedimos a vosa colaboración.

E, tendo tan recente a celebración do Día do Libro, imos comezar polo máis importante clásico das nosas letras: Don Quijote de la Mancha. Entre as numerosísimas versións cinematográficas, optamos polas tres seguintes:

En primeiro lugar, temos a serie de debuxos animados realizada en 1979, baixo a dirección de Cruz Delgado e coas voces de Fernando Fernán-Gómez e Antonio Ferrandis.

Por suposto, a versión de Filmax do 2007, da que xa falamos anteriormente. Este é o trailer:

E, por último, a versión cinematográfica dirixida en 2002 por Manuel Gutiérrez Aragon, con Fernando Rey e Alfredo Landa.

Se queredes saber máis sobre as versións cinematográficas da obra de Cervantes, tedes ampla información neste páxina: "Don Quijote de la Mancha en el cine"

Libro ou imaxe? Cal é a vosa opinión?

Indicádenos outras adaptacións cinematográficas que vos parezan significativas e iremos incorporando.

DÍA DO LIBRO

2009-04-27T09:10:00.007+02:00

Para celebrar o Día do Libro, os Departamentos de Lingua Castelá e Música prepararon un recital poético-musical centrado no tema "O amor na literatura".

En primeiro lugar presenciamos o recitado dunha ampla selección de poemas da literatura universal, na que interviñeron: Allan Kenyl Mora, Joel Nieto Pinheiro, Luís Delgado, Adriana María Feijoo, Carlos Muriel Nieto, Kristel Ansia, Cristina Calle, Nerea Dafonte, Aida Fernández, Adrián Gallego, Blanca Rosa González, Loreto Márquez, Sara Martínez, Breogán Antón Martínez e Lucía Pérez. Acompañados ao piano por Raquel Pato e María Domínguez.

No apartado musical, interviñeron:
Voz: Sandra Dacal e Loayre Gómez.
Violíns: Laura Bouza e Beatriz García.
Guitarra: Bárbara Rodríguez.
Óboe: Antía Ménéndez.
Gaita: Cristian Fernández

Do son ocupáronse: Leandro Manoel da Silva e Fernando Campostato.

Por último entregáronse os premios do Concurso literario Día do Libro.

MÁIS AGASALLOS!!

2009-04-26T19:21:00.009+02:00

Estamos emocionadísimos por estes recoñecementos que nos están chegando.

Recibimos de Felices Lecturas, o blog da biblioteca do IES Moncho Valcarcel, blog , o SELO VIOLETA. Este selo "representa as sensações que a cor violeta traz para a nossa mente. Este prêmio é dado aos blogs que têm algumas das sensações da cor violeta. São algumas delas: magia, encantamento, graciosidade, magnetismo... e tudo aquilo que parece mágico".

A aceptación deste selo obríganos a aceptar as seguintes regras:

-Exhibir o Selo Violeta no blog xunto coas regras.

-Indicar cantos blogs consideras que merecen este selo.

-Avisar aos indicados, non hai que esquecerse diso!

-Escribir dous poderes máxicos que xa imaxinaches ter.

Resulta moi difícil escoller outros blogs que tamén merecen este selo posto que son moitos os blogs que merecerían esta distinción porque están realizando un magnífico traballo a prol da difusión do libro, da lectura e da nosa cultura. Algunhas propostas:

A biblioteca do Colmeiro
Biblioteca do cole
Bibliobrey

Os poderes máxicos que queremos seguir mantendo son, entre outros, o poder de localizar os tesouros agochados nos andeis da nosa biblioteca e a capacidade de emocionarnos coas historias que neles imos descubrindo.

Moitas grazas, Felices lecturas.

UN AGASALLO ESPECIAL

2009-04-25T17:34:00.012+02:00

Hoxe recibimos un estupendo agasallo: concedéronnos o premio "Olha que blog Maneiro!", que vén querer dicir algo así como "Mira que blog tan creativo e bonito". Este recoñecemento chegounos de terras de Friol e agradecemos moi sinceramente que pensaran en nós para este recoñecemento.

Este agasallo réxese por unhas normas que hai que acatar para ser "maneiros de pleno dereito":

- Exhibir a imaxe do premio “Olha que blog Maneiro”.
- Exhibir o nome do blog que concedeu o premio.

- Indicar outros 10 blogs propostos para seren maneiros.

- Comunicar o premio aos blogues seleccionados.

- Publicar as regras.
- Comprobar que os blogs premiados seguen as normas.

Nós, despois de moito pensar posto que hai moitos blogs extraordinarios, pasamos o premio aos seguintes blogs:

Un saúdo a todos!

MANUEL MARÍA NA VOZ DE ROI CASAL

2009-04-15T18:55:00.003+02:00

O idioma é a chave
coa que abrimos o mundo:
o salouco máis feble,
o pensar máis profundo.

O idioma é a vida,
o coitelo da dor,
o marmurio do vento,
a palabra de amor.

O idioma é o tempo,
é a voz dos avós
e ese breve ronsel
que deixaremos nós.

O idioma é un herdo,
patrimonio do pobo,
maxicamente vello,
eternamente novo.

O idioma é a patria,
a esencia máis nosa,
a creación común
meirande e poderosa.

O idioma é a forza
que nos xungue e sostén.
¡Se perdemos a fala
non seremos ninguén!

O idioma é o amor,
o latexo, a verdade,
a fonte da que agroma
a máis forte irmandade.

Renunciar ao idioma
é ser mudo e morrer.
Precisamos a lingua
se queremos vencer!

("A fala" - Manuel María)

SON DE POETAS

2009-04-15T13:18:00.003+02:00

Os grupos de lingua galega e o Equipo de Normalización do IES David Buján de Cambre son os creadores de Son de poetas. Antoloxía de poesía galega musicada.

Poñen ao noso dispor un amplo repertorio de poemas de distintas épocas e autores moi diversos. Trátase dun interesante material que nos permite achegarnos á poesía galega desde a música e que será de moita utilidade para traballar nas aulas.

Felicitámolos por esta magnífica iniciativa e incorporámolos nas nosas ligazóns.

2 DE ABRIL, DÍA INTERNACIONAL DO LIBRO INFANTIL E XUVENIL

2009-04-01T17:55:00.004+02:00

Elisa Álvarez achéganos unha información, procedente de ANILIJ (Asociación Nacional de Investigación en Literatura Infantil e Juvenil) segundo a cal a crise non afectou á literatura infantil e xuvenil, xa que en 2008 creceu un 11,5% en volume de libros e un 13,9% en vendas.

E aporta algúns datos concretos:

- O sector de poboación que le con máis frecuencia está entre os 10 e os 13 anos.

- Destes, un 74% le todos os días e son as nenas as que máis len.

-A principal motivación para que os lectores obteñen información dos libros procede do consello de amigos, familiares ou profesores.

- O fenómeno best-seller axuda a fomentar a lectura entre este público.

- Entre os xoves de 13-24 anos os xéneros preferidos son: aventuras, intriga/misterio, fantasía e ciencia ficción.

- Os temas da vida real tamén interesan, e especialmente os que tratan acerca de inmigración, memoria histórica, malos tratos, acoso escolar.

- No apartado de non-ficción, os adolescentes interésanse por libros sobre coidado persoal, tempo de lecer, sexo, política e cultura.

Sen dúbida, uns datos de gran interese para todos os responsables das Bibliotecas Escolares.

O CARRABOUXO EN FLOCOS

2009-03-21T17:10:00.006+01:00

Para os ourensáns o Carrabouxo é xa un personaxe máis da cidade, ao que atopamos cada día nas páxinas de La Región ou cando transitamos a carón da súa estatua polo Parque de San Lázaro.

Agora, ademais, podemos ver as súas historias en formato audiovisual. Trátase dunha serie de animación que recolle a animación dos populares debuxos realizados por Xosé Lois.

Só temos que entrar na páxina de flocos.tv (o cineclube do audiovisual galego) e ir ao apartado de ANIMACIÓN.

http://flocos.tv/curta/o-carrabouxo-1/