25.12.16

MÁIS RECOMENDACIÓNS DE LECTURA




RECOMENDACIÓNS PARA O NADAL



O alumnado de Comunicación Oral de 1º BAC felicita o Nadal dende a biblioteca desexándonos unha felices lecturas e recomendándonos algúns títulos que, con seguridade, resultarán do agrado de todos. Como agasallo final, Alejandro agasállanos cun literario e sorprendente  truco de maxia.











22.12.16

BO NADAL E FELICES LECTURAS

A biblioteca deséxavos un bo Nadal e un moi feliz ano 2017 no que sigamos compartindo o pracer da lectura.


Unha selección de libros interesantes
 E algunhas propostas do alumnado de 1º de ESO.


21.12.16

CONCURSO MARCAPÁXINAS

Xa temos  gañadores do Concurso de marcapáxinas.


1º premio: MANUEL LAMELA VÁZQUEZ (1º ESO-B). Logo da súa impresión, converterase no marcapáxinas oficial deste curso.


 2º premio: GABRIEL FOLGOSO (1º ESO-E )

3º premio: PABLO RODRÍGUEZ MATEO (1º ESO-A)


Accésit: IRIA CRESPO (1º ESO-E)

Parabéns aos gañadores!!!
E tamén a todo o alumnado de 1º de ESO pola súa participación e pola creatividade e beleza das súas creacións.  As seguintes imaxes son boa proba.

 





18.12.16

O ACHADO DO CASTRO

O alumnado de 2º F de Bacharelo de Artes representou a obra teatral O achado do castro de Manuel Núñez Singala,  baixo a dirección do profesor Xosé Antón Calviño. O bo facer dos actores e actrices e a comicidade da obra víronse recoñecidos con risas e aplausos moi merecidos. 
Parabéns a todos os que participaron nesta montaxe!!!







13.12.16

PRÓXIMA LECTURA DO CLUB DE 3º E 4º

Esta mañá os integrantes do club de lectura de 3º e 4º recolleron os exemplares da próxima novela que comentarán nas reunións que se convocarán xa no próximo trimestre.
Trátase de La sombra del viento de Carlos Ruiz Zafón.
Feliz lectura!!!




9.12.16

O ACHADO DO CASTRO



Hoxe realizamos unha sesión de lectura dramatizada na biblioteca co alumnado de 1º A e 1º B. A obra escollida foi O achado do castro, de Manuel Núñez Singala. Un texto divertido que arrancou gargalladas ao ler os disparatados parlamentos de Caleno, Catulo, Carmiñae, Manolitus, Emperador...
A próxima semana asistiremos á representación teatral no salón de actos realizada polo alumnado de 2º de Bacharelato de Artes.



28.11.16

REUNIÓN CLUB DE LECTURA

Os integrantes do club de lectura de 1º-2º de ESO reuníronse para poñer en común a súa lectura persoal de A mansión dos Pampín, de Miguelanxo Prada. Tamén expuxeron os debuxos que elaboraron.






25.11.16

25 DE NOVEMBRO, DIA INTERNACIONAL DA VIOLENCIA DE XÉNERO

Hoxe, día 25 de novembro,Na biblioteca súmámonos á conmemoración do DÍA INTERNACIONAL DA VIOLENCIA DE XÉNERO.



Queremos aportar o noso gran de area para sensibilizar o noso alumnado acerca da necesidade de loitar contra a desigualdade entre homes e mulleres, desterrar o machismo, denunciar a perpetuación de condutas que contribúen á violencia de xénero.



Preparamos unha selección de libros nos que está presente esta temática.



E acompañámolos duns poemas que denuncian algunhas actitudes que contribúen  á violencia e marxinación das mulleres.



O que Penélope teceu na súa Singer1
foi a cruz das condenadas

Xa non queren ser a Selene
que olla parva ó Endimión durmido
Aborrecen ser Sibilas que contan
grans de area
esquecendo pedir o seu propio desexo
Nin mortais que no sono da noite
ceiban os seus corpos a deuses con poder

As amazonas tampouco sabían facer punto de cruz.

(Antía Otero, O son da xordeira)
FÓRA DE CONTROL


A quen chamo, como visto, onde andabas metida...

En canto valoras, my boy, este corte de mangas?


(Carlos Negro.  Penúltimas tendencias )







PRINCESA (CONTRA) DISNEY

Cuspo os chícharos
agochados no colchón
como se fosen balas.
Arrinco o vestido de seda.
Íspome e pego un berro
que escacha as porcelanas.
O cabelo longo semella atadura.
(As tesoiras fanme menos escrava).
Fuxo da torre.
Da mazá envelenada
da obediencia.
Fendo os ferrollos.
Pelo curto,
lingua solta.
Respiro fondo,
corro descalza.
Comezo a alancar
cara a esa gándara
máis alá dos espellos.
(Vaime volvendo a voz
que perdín en palacio).

(Carlos Negro: Penúltimas tendencias)





Quero
abandonar
a vida morta
das princesas.

(Lupe Gómez: Levantar as tetas)

LAPIDADAS

Como ovellas que van ao matadoiro
camiñades a serdes lapidadas
en reas, silenciosas e humilladas,
baixo a mirada atenta do carneiro.

  Que o voso sangue sexa o derradeiro
a mollar esas terras magoadas
polo integrismo cruel, polas brigadas
dunha fe que vos nega todo abeiro.

  ¡Maldita sexa a man que tira a pedra!
¡Maldito na semente e no futuro
o nome dos que erguen ese muro

sobre peitos que alentan! ¡Sexa a hedra
nai piadosa a cubrilas, nai que medra
a reclamar a vida en berro puro!

(Marica Campo)