TERTULIAS - ROY LORIGA

O xoves 3 de maio asistimos no salón nobre do Liceo ourensán á charla de Ray Loriga, autor da novela Rendición. Foi moi reveladora a visión que nos achegou da novela, principalmente no que respecta á voz narradora e á mensaxe que pretende transmitir. Tamén resultaron moi interesantes as preguntas que o alumnado participante lle foi realizando e que foron recibidas con moita atención por parte do autor. De recordo queda para a nosa biblioteca o exemplar asinado.

TERTULIAS LITERARIAS - RENDICIÓN

O mércores 25 de abril os membros do Club de lectura de 4º ESO e 1º BAC participaron na tertulia literaria sobre a novela Rendición, de Ray Loriga. Parte do debate centrouse na análise das relacións establecidas entre os distintos personaxes e na interpretación do desenlace. As conclusións finais foron moi variadas e destacou a interpretación alegórica relacionada coa presenza das redes sociais na sociedade actual. 

TERTULIAS LITERARIAS - IZAN O DA SACA

O xoves 1 de febreiro o Club de lectura de 1º Bacharelato participou na tertulia literaria xunto con outros centros da provincia. Entre todos foron debullando Izan o da saca, a medio camiño  entre a novela histórica e o xénero negro. A presenza dos nazis en Galicia resultou ser o tema que máis interese suscitou, xunto coa valoración dos personaxes principais. Ao remate, o autor Xabier Quiroga presentou un interesante repaso fotográfico  polos espazos nos que se desenvolve a acción. A lectura non puido quedar máis completa!!