ENCONTRO CON PAULA CARBALLEIRA

O día  4 de maio volveunos visitar PAULA CARBALLEIRA para falar do seu libro Nunca mascotas co alumnado de 1º de ESO. Unha vez máis repetimos o éxito de anos anteriores: atención, risas, complicidade, moitas preguntas e moitos libros para asinar.
Neste enlace poden lerse algúns dos comentarios dos lectores, fascinados con este libro que demostra que os máis novos tamén disfrutan da poesía.  (Comentarios Nunca mascotas - os lectores opinan)

VISITA DE MANUEL NÚÑEZ SINGALA

Hoxe volveu ao noso centro Manuel Núñez Singala. A primeira vez, hai algúns anos, veu para falarnos dos prexuízos e simplificacións sobre a lingua galega. Nesta ocasión, reuniuse co alumnado de terceiro para falar da súa novela Camiños na auga. Ofreceunos unha interesante exposición sobre o proceso de creación da obra, acompañada dun percorrido visual polos lugares nos que transcorre a acción; tamén abordou a problemática dos albinos en África e a azarosa viaxe dos caiucos ata as costas peninsularesa. A continuación, respondeu as numerosas preguntas que as súas palabras suscitaron, nun coloquio que se prolongou moitos minutos máis do previsto.

Moitas grazas, Manuel, pola túa visita!!!

POEMAS ILUSTRADOS

Outra actividade a partir de Nunca mascotas de Paula Carballeira foi a creación dun libro de poemas ilustrados. Queredes velo?

NUNCA MASCOTAS - LIBRO ILUSTRADO

Read more publications on Calaméo

Tamén podedes ver o vídeo que combina imaxes e recitado.

ENCONTRO CON MARÍA MENÉNDEZ-PONTE

“¿Por qué mataste a Iván?”

            María Menéndez-Ponte mantivo unha charla-coloquio cos alumnos e alumnas de 4º ESO sobre a súa novela Maldita adolescente, unha das actividades coas que iniciamos a celebración do Día do Libro 2017.

            A escritora faloulles do reto que para ela supuxo tratar na ficción un tema tan delicado como o suicidio entre adolescentes, e da dor que sentiu pola morte de Iván, un dos seus protagonistas.

Cartas a Iván

·         “Hola Iván: sé que esta carta llega demasiado tarde”

·         “Mi querido amigo, mi querido Iván: desde que te fuiste todo es diferente”

·         “Otro día más sin ti, Iván. Me gustaría haberte dicho muchas cosas antes de que tomases esa decisión”

            Estas son algunhas das cartas dirixidas a Iván, escritas polos alumnos e alumnas de 4º ESO.

            Con este feixe de emocións fixeron un libro colectivo, Cartas a Iván, que lle foi entregado a autora por Mencía F. Hernán, Andrés Rodríguez e Juan A. Molina, en representación de todos os seus compañeiros de 4º ESO. 

María Menéndez, emocionada, agradeceulles este agasallo tan especial.

 María Menéndez nun momento da charla. 

 Alumnos e alumnas de 4º de ESO que asistiron ao acto.

 Juan, Andrés e Mencía no comezo da presentación.

 María Menéndez-Ponte asinando exemplares.

 Cartas  a Iván, o libro feito polos alumnos e alumnas de 4º de ESO.

 

 Unha das páxinas do libro.

 Mencía, Andrés e Juan, en representación de todos os alumnos de 4º ESO, entréganlle o libro de Cartas a Ivan a María Menéndez.

ENCONTRO CON IRIA MISA

Esta mañá o alumnado de primeiro de bacharelato e de 4º de ESO reuniuse na biblioteca coa escritora Iria Misa, que lles presentou a súa  novela Xa non estou aquí. Por uns momentos a súa profesora de inglés trocouse na autora da novela recoñecida co premio Jules Verne 2016. 

Iria explicounos cales foron as súas motivacións para escribir esta historia, que trata da desaparición de Ánxela, unha estudante de primeiro de bacharelato. Abordou tamén, nun interesante debate coas rapazas e rapaces, os prexuízos que a cotío rodean estes feitos, o papel dos medios de comunicación, etc.

A boa acollida dispensada deu pé para acordar xa un próximo encontro para comentar devagar a  novela unha vez que os lectores se acheguen á historia e coñezan as circunstancias vitais de Ánxela. 

Grazas, Iria!!

ENCONTRO CON FRANCISCO CASTRO

O día 4 recibimos no instituto a Francisco Castro que se reuniu cos alumnos de 1º e 3º de ESO para falar das súas novelas Chamádeme Simbad e O corazón da Branca da Neve. 
Logo do interesante coloquio cos lectores asinou exemplares das súas obras. 
Agradecidos pola súa visita.

ENCONTRO CON GÓMEZ CERDÁ

  O escritor Alfredo Gómez Cerdá acudiu hoxe ao instituto para un encontro cos lectores da novela Barro de Medellín, unha historia de dous nenos en Santo Domingo Savio, un barrio ao norte da cidade de Medellín, aos cales os libros, o Parque Biblioteca España e unha bibliotecaria, lles abren a súa visión do mundo.
Logo da presentación realizada por dous alumnos, Carmen Pérez e Luís Jimeno, o escritor contou as circunstancias da creación deste libro. Ao remate da súa intervención, tivo lugar un interesante coloquio no que contestou as preguntas que lle formularon os asistentes.
Sen dúbida, unha experiencia interesante que talvez animará a  algúns lectores a achegarse a outros textos do escritor.

ENCONTRO CON GISBERT

Recibimos un ano máis na biblioteca a visita do escritor Gisbert, quen nos falou da influencia que o mundo d'As mil e unha noites tivo na súa obra e, máis en concreto, na construción dos relatos que integran Historias secretas en la noche : El mensajero de los siete reinos” y “Semiris, princesa de Babilonia” .



A presentación do escritor foi realizada polas alumnas Carmen Doval e Alba García.

Presentación j.m. gisbert

View more documents from Letras.en.rede