5.5.15

DÍA DO LIBRO NA BIBLIOTECA



Con motivo de la celebración del Día Internacional del Libro, asistimos en la Biblioteca del Centro a una sesión de clase un tanto especial.  Fue el último paso de todo un proyecto que comenzó con una investigación, por parte de los alumnos de 4º de ESO de diversificación. Trabajaron sobre Miguel de Cervantes, El Quijote, el Día del Libro y el Premio Cervantes. Con los datos recogidos, elaboraron un mural y a partir de él, dos alumnas impartieron una charla a un grupo de alumnos de 1º de ESO.
Esta lección resultó todo un éxito: atención correctísima por para de los alumnos, soltura en la exposición de las “profesoras” una vez que pasaron los nervios del principio. La sesión finalizó con la proyección de algunos fragmentos de series de televisión y alguna curiosidad como una serie japonesa basada en el texto de Cervantes. Una buena experiencia para todos, sin duda.







 




28.4.15

O CORAZÓN DE XÚPITER

Unha vez que os alumnos de 3º xa lestes O corazón de Xúpiter, de Ledicia Costas, podedes deixar os vosos comentarios sobre este libro, sobre todo despois de escoitar da propia autora as ideas principais que quixo contar nesta historia.
As vosas opinións seguro que resultan interesantes para futuros lectores. 




ENCONTRO CON LEDICIA COSTAS

Hoxe recibimos a Ledicia Costas para un encontro co alumnado de 3º ESO acerca da súa obra O corazón de Xúpiter.
Falounos das motivacións para escribir esta historia de crítica social e concienciación acerca dos perigos das redes sociais. Respondeu as moitas preguntas dos rapaces sobre esta obra que moito lles gustou e non os deixou indiferentes, cumprindo deste modo o obxectivo que ela se propuxo ao escribila.
Desde hoxe contamos tamén na biblioteca con exemplares dedicados de O corazón de Xúpiter e de Escarlatina, a cociñeira defunta!! 
Grazas a Leticia por dedicarnos o seu tempo e compartir as súas experiencias cos lectores.
E ata a próxima!!








23.4.15

DÍA DO LIBRO 2015

O Departamento de Lingua Castelá e Literatura organiza diversas actividades para conmemorar o Día do Libro.
Entre elas, unha exposición cos traballos dos alumnos en torno ao tema do libro e da poesía.
Velaquí unha mostra:











  


30.3.15

MULLERES NA CIENCIA



Aproveitando a celebración da Semana Da Ciencia, recordamos  algunhas das mulleres que contribuíron ó desenvolvemento científico, nunhas condicións moi difíciles, debido a marxinación que sufriu a muller en todas as actividades que non tiveran relación coas que se lle atribuían ao seu xénero.





SEMANA DA CIENCIA

Un ano máis do Departamento de Física e Química organiza a Semana da Ciencia, que este curso se desenvolve entre o 23 e o 27 de marzo. Desde a biblitoeca sumámonos ás actividades programadas cunha exposición de libros de divulgación de coñecementos científicos.
Os máis interesados foron os rapaces máis pequenos. Desexamos que o seu interese non decaiga e que nos aporten no futuro importantes achegas no campo das ciencias.




24.2.15

RECITAL POÉTICO DÍA DE ROSALÍA

DIA DE ROSALÍA 2015

Hoxe sumámonos á conmemoración do Día de Rosalía achegándonos á súa poesía coa celebración dun recital poético na biblioteca a cargo dun grupo de alumnos e alumnas de 3º A. Annia Fernández, Darío Cantón, Miguel Puga, Aldara Regal, Iago Gómez, Adolfo Requejo, Noa Montes, Ana Pérez, Eva Fernández e Candela Mazaira leron textos de Cantares gallegos e de Follas novas como presentación e aperitivo dun achegamento máis demorado nas próximas semanas.
 Sidi Mohamed-Salem encargouse de gravar os vídeos que se recollen na próxima entrada deste blog.



















4.2.15

EXPOSICIÓN DE MARCAPÁXINAS




Un ano máis, a biblioteca exhibe a colección de todos os marcapáxinas que participaron este ano no noso concurso.
Á vista está que todos os autores puxeron imaxinación e esforzo. O froito do seu traballo aquí está para o disfrute de todos.
Graciñas a todos os nosos artistas pola súa colaboración!!

23.1.15

PREMIOS MARCAPÁXINAS

1º PREMIO EX-AEQUO

1º premio: Candela Rodríguez Mateos, 1ºC,  Nº25 - ESO
2º premio: Nicolás Fernández Blanco,  4ºB,  Nº10 - ESO


14.1.15

Nadal Intercultural 2014

Un ano máis na biblioteca celebramos o xa tradicional Nadal intercultural. Os nosos alumnos procedentes de moi diversas xeografías explicáronnos como  se celebran estas datas nos respectivos países.
Unha experiencia interesante, da que todos aprendemos.






16.12.14

Bo Nadal e Felices Lecturas!!


A biblioteca prepárase para recibir o Nadal que vén xa de camiño. 
Desexámosvos unha boas festas e un moi feliz aninovo no que sigamos compartindo lecturas e ilusións



E lembrade: Tamén én Nadal, un libro é o mellor agasallo.






24.11.14

CONCURSO DE MARCAPÁXINAS



A BIBLIOTECA, en colaboración co EQUIPO DE NORMALIZACIÓN LINGÜÍSTICA, convoca un ano máis o CONCURSO DE MARCAPÁXINAS  de acordo coas seguintes

BASES:

I.                   FORMATO
Material: Cartolina
Tamaño: 21 x 5
Pode empregarse calquera técnica pictórica (acuarela, acrílico…)

II.                TEMA
O marcapáxinas conterá:
·        Un debuxo que faga referencia á lectura ou aos libros.
·        Un texto, escrito en lingua galega, que pode ser unha frase, un slogan ou unha cita literaria animando a ler ou acerca da lectura.

III.             PRAZO
O prazo remata o día 5 de decembro de 2014.
Os participantes entregarán na Biblioteca o seu marcapáxinas, que estará asinado cun lema ou pseudónimo. Acompañaran o marcapáxinas dun sobre: no exterior escribirán o mesmo lema ou pseudónimo  e no interior introducirán un papel cos seus datos persoais.

IV.              PREMIO
O marcapáxinas gañador será premiado con 50 € en metálico. Este marcapáxinas será reproducido e entregado como agasallo da Biblioteca. Tamén se colgará no blog da biblioteca.

ANÍMATE E PARTICIPA!!