30.4.12

ENCONTRO CON GÓMEZ CERDÁ

  O escritor Alfredo Gómez Cerdá acudiu hoxe ao instituto para un encontro cos lectores da novela Barro de Medellín, unha historia de dous nenos en Santo Domingo Savio, un barrio ao norte da cidade de Medellín, aos cales os libros, o Parque Biblioteca España e unha bibliotecaria, lles abren a súa visión do mundo.
Logo da presentación realizada por dous alumnos, Carmen Pérez e Luís Jimeno, o escritor contou as circunstancias da creación deste libro. Ao remate da súa intervención, tivo lugar un interesante coloquio no que contestou as preguntas que lle formularon os asistentes.
Sen dúbida, unha experiencia interesante que talvez animará a  algúns lectores a achegarse a outros textos do escritor.
 2012 abril- dia do libro e charla Gómez Cerd 042 2012 abril- dia do libro e charla Gómez Cerd 0172012 abril- dia do libro e charla Gómez Cerd 051
2012 abril- dia do libro e charla Gómez Cerd 022  2012 abril- dia do libro e charla Gómez Cerd 035 2012 abril- dia do libro e charla Gómez Cerd 008

DÍA DO LIBRO 2012

 

A celebración do Día do Libro contou este ano coa participación dun amplo número de alumnos e alumnas que se achegaron ata a Biblioteca para realizar unha lectura colectiva de textos diversos.

 

2012 abril- dia do libro e charla Gómez Cerd 005 image 2012 abril- dia do libro e charla Gómez Cerd 020
image3 2012 abril- dia do libro e charla Gómez Cerd 047 2012 abril- dia do libro e charla Gómez Cerd 050
2012 abril- dia do libro e charla Gómez Cerd 043 2012 abril- dia do libro e charla Gómez Cerd 012 2012 abril- dia do libro e charla Gómez Cerd 018
2012 abril- dia do libro e charla Gómez Cerd 028 2012 abril- dia do libro e charla Gómez Cerd 045 2012 abril- dia do libro e charla Gómez Cerd 054

29.3.12

FALLO PREMIO CONCURSO CÓMIC

O xurado do I Concurso de Cómic, acordou conceder os seguintes premios:

1º premio :Sarai Losada Santamaría. 1º ESO B


2º premio: Uxía Nóvoa Vázquez. 1º ESO D
3º premio: Lola Calvino Puertas. 1º ESO C



O Xurado felicita aos gañadores e comunica que a entrega de premios terá lugar en datas próximas. Tamén agradece a ampla participación rexistrada, especialmente polos alumnos de 1º e 2º de ESO, que elaboraron cómics de gran calidade.
Todos os cómics presentados están expostos na biblioteca e convidamos a todos a que visitedes a exposición.

13.3.12

8 DE MARZO: DÍA DA MULLER

 

A biblioteca conmemora, un ano máis o 8 de marzo, unha data para a reivindicación da situación da muller na nosa sociedade. A nosa contribución nesta xornada consiste nuns  carteis que penduramos no noso tendal e nos que recuperamos a varias figuras femininas cuxa simple existencia e importancia non é por todos coñecida ou suficientemente recoñecida.

-As mulleres relevantes da antigüidade, desde a matemática Hipatia e a poeta Safo ata a nosa Exeria, a monxa viaxeira.
-As mulleres nobel, que viron recoñecido con este premio a súa contribución aos diversos ámbitos da ciencia e da cultura.
-Pero tamén aqueloutras ás que non lle concederon o galardón porque, curiosamente, recaeu nun compañeiro masculino.
-As mulleres políticas, que defenderon as súas ideas e ergueron bandeiras reivindicativas: Clara Campoamor, Dolores Ibarruri "a Pasionaria", Victoria Kent  e Federica Montseny
-As mulleres que publicaron baixo un seudónimo masculino que escondía a súa feminidade:
-Aquelas silenciadas, cuxas obras e méritos foron atribuídos ós seus maridos:
-As mulleres galegas "10" que ocupan un lugar preeminente na nosa historia: María Pita -a heroína-,  Maruxa Mallo -a pintora excepcional-, Rosalía -a nosa escritora máis universal-, Concepción Arenal -a primeira defensora dos dereitos da muller- .

Mentres as mulleres sigan sufrindo algún tipo de discriminación, o 8 de marzo será o momento de erguer a voz para defender os dereitos e a dignidade da metade da humanidade.

 

2012-03-8-dia da muller 004 2012-03-8-dia da muller 007 2012-03-8-dia da muller 006
2012-03-8-dia da muller 010 2012-03-8-dia da muller 013 2012-03-8-dia da muller 016
2012-03-8-dia da muller 017 2012-03-8-dia da muller 011 2012-03-8-dia da muller 018
2012-03-8-dia da muller 015 2012-03-8-dia da muller 009 2012-03-8-dia da muller 012
2012-03-8-dia da muller 001 2012-03-8-dia da muller 019 2012-03-8-dia da muller 003

29.2.12

The Fantastic Flying Books of Mr. Morris Lessmore

Elisa pásanos o enlace desta fantástica curtametraxe de animación. Disfrutádea!

24.2.12

DÍA DE ROSALÍA

Neste  DÍA DE ROSALÍA no que comemoramos o 175 aniversario do nacemento da nosa escritora máis universal, a biblioteca participa desta homenaxe colectiva coa realización de varias actividades:
-Presentación "Rosalía de Castro. Unha fotobiografía"
-Presentación plástico-musical dalgúns poemas ilustrados por alumnos do centro.
-Visionado de varias versións musicais dos seus poemas que a seguir incorporamos:


Para empezar,a xa clásica interpretación da "Negra sombra" na voz de Luz C asal.




O poema "Maio Longo", interpretado por Carlos Núñez e voz de Anabela.


"Airiños, airiños, aires" cantado por Amancio Prada e Pandereiteiras de Baio. Joan Baez interpreta a versión de Amancio Prada de "Adiós ríos, adiós fontes"
E, por último, unha versión en clave de jazz, do poema "Alborada", na que participan Anxo Angueira, o pianista Abe Rábade, Guadi Galego como cantante, Jesús Santandreu no saxo tenor, Nelson Cascaisao ao contrabaixo e Bruno Pedroso á batería.






15.2.12

ENTREGA DOS PREMIOS DE MARCAPÁXINAS

Hoxe entregamos os premios do concurso de marcapáxinas.
A gañadora foi ANDREA CONDE LAMA, de 4º A, que recibiu un premio en metálico e varios exemplares da súa obra, que se converte no marcapáxinas oficial deste curso.






E tamén os accésits a


TERESA ESTÉVEZ ÁLVAREZ, de 1º ESO A

NICOLÁS FERNÁNDEZ BLANCO, 1º ESO C

DIEGO MATÉ MARTÍN, de 1 BACH A

ALBA MARTÍN JIMÉNEZ, de 2º BACH C








Reiteramos a nosa noraboa para todos eles.
As súas obras, xa publicadas no blog, forman parte do noso arquivo e permanecerán como testemuña e estímulo para anos vindeiros.

O MES DO CÓMIC

Nos últimos anos o cómic ou banda deseñada experimentou en Galicia un notable desenvolvemento e vivimos unha especie de boom do que participan numerosos debuxantes cuxa obra está sendo recoñecida a nivel internacional cos máis relevantes galardóns.
A biblioteca convídavos a que visitedes a nosa exposición e coñezades as obras que forman do noso fondo que, ano a ano, se vai enriquecendo con novas aportacións.
Ao mesmo tempo, a Biblioteca e o Equipo de Dinamización Lingüística convoca o I Concurso de Cómic, cuxas bases podedes consultar máis abaixo, e anímavos a que participedes coas vosas creacións. Preparamos para todos vós estas dúas presentacións: un breve percorrido pola historia do cómic e unha análise dos elementos do cómic.