20.12.13

CAROLINA, SEMPRE

Libro homenaxe a Carolina Besada, realizado por alumnos e profesores do centro. O noso recordo emocionado nestas datas e o noso apoio á familia e os amigos.

19.12.13

ROTEIRO CARLOS CASARES


Un grupo de alumnos de 2º de Bacharelato abriron onte o ROTEIRO CARLOS CASARES, creado polo profesor Afonso V. Monxardín.

Segue a noticia de La Región:
redacción. ourense - 18-12-2013

http://www.laregion.es/noticia/272465/alumnos/lagoas/abren/roteiro/casares/


 Un grupo de alumnos do IES As Lagoas, acompañados do seu profesor Afonso V.Monxardín, fixeron onte, dende as dez e media da mañá, unha primeira experiencia para un roteiro pola cidade en memoria de Carlos Casares. Iniciado no Parque de San Lázaro, lembraron que nacera como escritor do seu contacto co seu profesor de literatura Agustín Madarnás e de Vicente Risco, nos mediados dos 50, e que foi agasallado en todas as cidades de Galicia, despois da súa morte en 2002, con rúas e estatuas, pero aínda non en Ourense. A continuación percorreron dezaoito puntos da cidade, e nas paradas fixeron lectura de fragmentos escollidos dos seus libros, nun percorrido triple, pola vida e obra de Casares e pola relación do escritor coa cidade e as súas xentes.

PERCORRIDOComezaron na esquina da avenida da Habana e Cardeal Quevedo, no lugar onde estivera a casa de nacemento, e despois de pasar por Curros Enríquez, a igrexa dos franciscanos, o parque de San Lázaro, a rúa do Paseo, a Alameda, o Liceo, Arcedianos, rúa da Paz, praza do Ferro, Lepanto, praza do Trigo, concluíron na Praza Maior.

Textos de obras de Casares como 'Vento Ferido', 'Cambio en Tres', 'Ilustrísima', 'Un país de palabras', 'Deus sentado nun sillón azul', 'O sol do verán', combinados con distintos fragmentos de ensaios históricos, biografías e textos xornalísticos, e as explicacións do profesor, puxeron luz a un percorrido que pretenden repetir e facer nunha posta de largo, o día 9 de marzo próximo, cando se cumpra xa unha ducia de anos sen Carlos Casares.

http://www.laregion.es/noticia/272465/alumnos/lagoas/abren/roteiro/casares/

17.12.13

O LIBRO DOS REIS MAGOS




 Achegamos este fermoso libro no que 26 escritoras galegas escriben as súas cartas para os Reis: Yolanda Castaño, Andrea Porto, Rosario Golmar, Celia Parra, Rosalía Morlán, Beatriz García Turnes, Oriana Méndez, María Solar, Lupe Gómez, Ledicia Costas,Helena Villar-Janeiro, Elena Gallego, Ana María Fernández, Antía Otero, Eva Lozano, María Canosa, Inma López Silva, Fina Casalderrey, Dores TEmbrás, Mercedes Queixas, Clara do Roxo, Concha Blanco, Anxos Sumai, Paula Carballeira, Rosa Aneiros e Teresa González Costa.
 As súas palabras van acompañadas coas preciosas ilustracións de Marina Seoane.
 Un agasallo para os ollos
 Un pracer para meniños e grandes.
Bo Nadal!

19.11.13

A vida nos ríos galegos

Presentamos hoxe unha páxina web de gran interese tanto para os amantes da natureza como para todos aqueles que desexen ampliar os seus coñecementos ou buscar información acerca de calquera tema relativo aos nosos ríos:  fauna, flora, imaxes, vídeos, poesías, contos, música, reflexións, dicionario… e un longo etcétera. Conta cunha extensa colección de fichas, moi ben catalogadas, cunha detallada explicación, acompañada de fotografías do propio autor.

O seu autor é Secundino Lorenzo, profesor de matemáticas no noso instituto ata a súa xubilación. 

Pescador, micólogo, fotógrafo e, sobre todo, gran amante da natureza. Creou esta páxina no ano 2000 e desde entón dedica todo o seu esforzo e ilusión por actualizar e incorporar novas fichas a este inmenso traballo.

Moitas grazas, Chicho, por compartir con todos as túas descobertas!
chicho2 chicho1

15.11.13

Magosto 2013


Hoxe celebramos o día de san Martiño cos tradicionais xogos e actividades deportivas. Compartimos a festa ourensá máis tradicional cos compañeiros de Loches (Francia), Bremen (Alemaña) e Francavilla Fontana (Italia)
Disfrutamos do magosto que nos prepararon Xusto e Xabier.

Etiquetas de Technorati:
image image image
image

image
image image  imageimage
 image  image image
image image image
image  image image
image  image image

Concurso sobremesas con castañas 2013


A biblioteca acolleu o Concurso de sobremesas de castañas, convocado con motivo do san Martiño. Os participantes sorprendéronnos con tortas e pasteis riquísimos e cunha bonita presentación. O público agardaba impaciente a que o xurado acabase de probar todas as preparacións, temeroso de que non quedase nada para eles. O xurado “púxose as botas” e quedou satisfeito do seu doce traballo. E non quedaron nin as faragullas!

As gañadoras foron:

1º DEINA PEIRANES (4º D)
2º MARÍA LOBELLE (3º C)

3º SOFÍA MARTÍN (1º D)

image image image
image image image
image image image
image image image
image image  image

12.11.13

CLUBS DE LECTURA 2013

Comezamos este curso as reunións dos Club de Lectura. Animámosvos a compartir as vosas impresións e comentarios. Agardamos por vós na biblioteca!!

8.11.13

SAN MARTIÑO 2013

Hoxe celebramos o día de san Martiño co tradicional magosto acompañado de xogos tradicionais, competicións deportivas. Tamén resolveremos o concurso de sobremesas de Nadal.
Bo magosto!

5.11.13

TASTARABÁS

TÍTULO: Tastarabás. Enciclopedia de brinquedos tradicionais e uso lúdica da natureza.

AUTOR: Antón Cortizas

ILUSTRADOR: David Sierra Martínez

DITORIAL: Edicións Xerais

tastarabas

Tastarabás é principalmente un catálogo de xogos tradicionais no que, ao longo de máis de mil páxinas, se recolle unha ampla mostra de brinquedos e enredos que formaron parte da nosa e que poden seguir sendo atractivos e divertidos para os rapaces de hoxe.

Conta cunha detallada información de cada un, a súa elaboración, o uso... e tamén anécdotas, textos literarios complementados con magníficas ilustracións e fotografías. Os brinquedos aparecen clasificados en mundo animal, vexetal e inanimado, brinquedos de enxeño e habilidade, bonecas, brinquedos de desprazamento e transporte, brinquedos sonoros, etc. 

É unha interesante fonte de ideas e recursos para realizar actividades no ámbito familiar, escolar ou extraescolar.

A obra supón unha nova achega de Antón Cortizas, despois da súa anterior obra Chirlomirlo, que tamén está presente na nosa biblioteca.

chirlomirlos

4.11.13

COMENIUS 2013

Hoxe chegan ao noso instituto os profesores e alumnos de Loches, Bremen e Francavilla-Fontana, integrantes co noso centro do proxecto Comenius 2013: Technology and Culture in Europe: a Common market of Ideas: past, present and future. Desexámoslle unha intensa e feliz estadía entre nós.

1.4.13

DÍA INTERNACIONAL DO LIBRO INFANTIL E XUVENIL 2013



MENSAXE DO DÍA INTERNACIONAL DO LIBRO INFANTILLemos xuntos, ti e eu.
Vemos que as letras forman palabras
e as palabras convértense en libros
que estreitamos nas nosas mans.
Oímos murmurios
e ríos buliciosos nas súas páxinas,
osos que cantan
graciosas melodías á lúa.
Entramos en misteriosos castelos
e das nosas mans soben ata as nubes
árbores florecidas. Vemos nenas valentes que voan
e nenos que atrapan as estrelas.
Lemos xuntos. Ti e eu, dando voltas e voltas,
percorrendo o mundo coa alegría nos libros.
 
(Poema de Pat Mora
Tradución: Concha Blanco)

4.3.13

AS NOSAS ÁRBORES

Selección de fotos cedidas por don Rafael Boullón:

8.2.13

OBRADOIRO DE MONICREQUES

Un ano máis Thelma Putnam, directora da Escola de Teatro de Ourense, achegouse ata o noso centro para desenvolver un obradoiro de monicreques en inglés con todos os alumnos de 1º de ESO.
Todos os grupos traballaron  a partir do texto The tree little wolves, da autoría de Thelma. Ocupáronse  da música, dos decorados, dá cámara, dos monicreques… Practicaron a súa habilidade comunicativa en inglés, aprenderon a traballar en equipo e viviron unha experiencia enriquecedora e o tempo divertida.
Un éxito, coma sempre.
Moitas grazas, Thelma!