Esta mañá o alumnado de primeiro de bacharelato e de 4º de ESO reuniuse na biblioteca coa escritora Iria Misa, que lles presentou a súa novela Xa non estou aquí. Por uns momentos a súa profesora de inglés trocouse na autora da novela recoñecida co premio Jules Verne 2016.
Iria explicounos cales foron as súas motivacións para escribir esta historia, que trata da desaparición de Ánxela, unha estudante de primeiro de bacharelato. Abordou tamén, nun interesante debate coas rapazas e rapaces, os prexuízos que a cotío rodean estes feitos, o papel dos medios de comunicación, etc.
A boa acollida dispensada deu pé para acordar xa un próximo encontro para comentar devagar a novela unha vez que os lectores se acheguen á historia e coñezan as circunstancias vitais de Ánxela.
Grazas, Iria!!
Ningún comentario:
Publicar un comentario