23.10.17

VISITA A QUIROGA

O Departamento de Bioloxía organizou unha visita didáctica a Quiroga para o alumnado de 1º de Bacharelato cun programa certamente interesante.
Visitamos o Museo Xeolóxico para escoitar as explicacións de Ramón Vila Anca sobre a formación do territorio de Galicia, os restos fósiles de hai milleiros de anos, as glaciacións, os primeiros habitantes...
Tamén o Museo Etnográfico, onde Mari Carmen Armesto Fidalgo detallou as peculiaridades dos oficios tradicionais vinculados ao viño, o ferro, a madeira, o mel, a castaña... e algúns aspectos da vida en tempos aínda non tan antigos.
Achegámonos despois ata Campodola para ver o Sinclinal da serra do Courel. E en Montefurado descubrimos o proceso para perforar o túnel no século II en tempos do emperador Traxano.
Tamén tivemos tempo para un pequeno roteiro literario no que nos acompañaron os textos de Ánxel Fole, Manuel María, Ernesto Guerra da Cal, Eduardo Moreiras, etc.
Rematamos a viaxe en Augasmestas onde lemos os fermosos versos de Guerra da Cal:
 Ai, meu Sil,
meu meigo rio
que tinhas os olhos verdes
e donairoso o feitio.

Do Lor ao Sil
que verdor
de orvalho
no mês de avril.

Velaquí unhas imaxes da xornada:













Ningún comentario:

Publicar un comentario