14.1.15
Nadal Intercultural 2014
Un ano máis na biblioteca celebramos o xa tradicional Nadal intercultural. Os nosos alumnos procedentes de moi diversas xeografías explicáronnos como se celebran estas datas nos respectivos países.
Unha experiencia interesante, da que todos aprendemos.
Unha experiencia interesante, da que todos aprendemos.
16.12.14
Bo Nadal e Felices Lecturas!!
A biblioteca prepárase para recibir o Nadal que vén xa de camiño.
Desexámosvos unha boas festas e un moi feliz aninovo no que sigamos compartindo lecturas e ilusións
E lembrade: Tamén én Nadal, un libro é o mellor agasallo.
24.11.14
CONCURSO DE MARCAPÁXINAS
A BIBLIOTECA, en colaboración co EQUIPO DE NORMALIZACIÓN LINGÜÍSTICA,
convoca un ano máis o CONCURSO DE MARCAPÁXINAS de
acordo coas seguintes
BASES:
I.
FORMATO
Material:
Cartolina
Tamaño:
21 x 5
Pode
empregarse calquera técnica pictórica (acuarela, acrílico…)
II.
TEMA
O
marcapáxinas conterá:
·
Un debuxo que
faga referencia á lectura ou aos libros.
·
Un texto,
escrito en lingua galega, que pode ser unha frase, un slogan ou unha cita
literaria animando a ler ou acerca da lectura.
III.
PRAZO
O prazo
remata o día 5 de decembro de 2014.
Os
participantes entregarán na Biblioteca o seu marcapáxinas, que estará asinado
cun lema ou pseudónimo. Acompañaran o marcapáxinas dun sobre: no exterior
escribirán o mesmo lema ou pseudónimo e
no interior introducirán un papel cos seus datos persoais.
IV.
PREMIO
O
marcapáxinas gañador será premiado con 50 € en metálico. Este marcapáxinas será
reproducido e entregado como agasallo da Biblioteca. Tamén se colgará no blog
da biblioteca.
ANÍMATE E PARTICIPA!!
19.11.14
ENDEREZO DESCOÑECIDO
Esta novela,
publicada por primeira vez en 1938, trata o tema do nazismo nos seus inicios.
Conta a historia de dous amigos e
socios propietarios dunha galería de arte en California, Max Eisenstein, xudeu
estadounidense, e Martin Schulse, alemán, que retorna ao seu país en 1932,
coincidindo co ascenso do partido nazi. A partir dese momento coñecemos a súa
relación a través da correspondencia entre ambos.
Causou un gran impacto nos Estados Unidos e axiña foi traducida
a outras linguas. En Europa figuro una lista de libros prohibidos do Reichskommisar.
Foi reeditada en 1995 para conmemorar o 50 aniversario da liberación dos campos
de concentración e traduciuse a numerosos idiomas. Aclamada pola crítica de
todo o mundo, foi considerada polo The New York Times Book Review como “a denuncia
máis efectiva que se pode facer contra o nazismo en literatura de ficción. É a
perfección mesma”.
TES ATA AS DEZ
Xa temos na biblioteca a última novela de Francisco Castro: Tes ata as dez. Unha historia de intriga e suspense que se le dun tirón porque non se pode deixar ata rematala.
Resumo editorial:
Antonio non daba creto ao correo que viña de entrarlle no seu ordenador.
Era de seu pai. O problema é que o seu pai leva morto un día.
Feliz e intrigante lectura!
15.10.14
BOOKTRAILER ELEANOR & PARK
Booktrailer da novela Eleanor & Park que estamos lendo no club de lectura:
CLUBS DE LECTURA
Comezaron xa as actividades dos clubs de lectura deste curso.
As obras escollidas para este primeiro trimestre son dúas novelas que consideramos van ser moi interesantes.
Para 1º e 2º, a obra de Marcos Calveiro Palabras de auga.
E para os máis grandes, Eleanor & Parker, de Rainbow Rowell.
Máis información no blog do CLUB DE LECTURA
AGARDÁMOSVOS NA BIBLIOTECA!!!
14.10.14
PRESENTACIÓN CLUB DE LECTURA 2014-15
Xa co novo curso 2014-15 en plena rodaxe, retomamos as actividades do Club de Lectura. Convidámosvos a participar nesta interesante actividade.
Visitade tamén o blog do Club de lectura:
20.12.13
CAROLINA, SEMPRE
Libro homenaxe a Carolina Besada, realizado por alumnos e profesores do centro.
O noso recordo emocionado nestas datas e o noso apoio á familia e os amigos.
19.12.13
ROTEIRO CARLOS CASARES
Un grupo de alumnos de 2º de Bacharelato abriron onte o ROTEIRO CARLOS CASARES, creado polo profesor Afonso V. Monxardín.
Segue a noticia de La Región:
redacción. ourense - 18-12-2013
Un
grupo de alumnos do IES As Lagoas, acompañados do seu profesor Afonso
V.Monxardín, fixeron onte, dende as dez e media da mañá, unha primeira
experiencia para un roteiro pola cidade en memoria de Carlos Casares.
Iniciado no Parque de San Lázaro, lembraron que nacera como escritor do
seu contacto co seu profesor de literatura Agustín Madarnás e de Vicente
Risco, nos mediados dos 50, e que foi agasallado en todas as cidades de
Galicia, despois da súa morte en 2002, con rúas e estatuas, pero aínda
non en Ourense. A continuación percorreron dezaoito puntos da cidade, e
nas paradas fixeron lectura de fragmentos escollidos dos seus libros,
nun percorrido triple, pola vida e obra de Casares e pola relación do
escritor coa cidade e as súas xentes.
PERCORRIDOComezaron na esquina da avenida da Habana e Cardeal Quevedo, no lugar onde estivera a casa de nacemento, e despois de pasar por Curros Enríquez, a igrexa dos franciscanos, o parque de San Lázaro, a rúa do Paseo, a Alameda, o Liceo, Arcedianos, rúa da Paz, praza do Ferro, Lepanto, praza do Trigo, concluíron na Praza Maior.
Textos de obras de Casares como 'Vento Ferido', 'Cambio en Tres', 'Ilustrísima', 'Un país de palabras', 'Deus sentado nun sillón azul', 'O sol do verán', combinados con distintos fragmentos de ensaios históricos, biografías e textos xornalísticos, e as explicacións do profesor, puxeron luz a un percorrido que pretenden repetir e facer nunha posta de largo, o día 9 de marzo próximo, cando se cumpra xa unha ducia de anos sen Carlos Casares.
http://www.laregion.es/noticia/272465/alumnos/lagoas/abren/roteiro/casares/
PERCORRIDOComezaron na esquina da avenida da Habana e Cardeal Quevedo, no lugar onde estivera a casa de nacemento, e despois de pasar por Curros Enríquez, a igrexa dos franciscanos, o parque de San Lázaro, a rúa do Paseo, a Alameda, o Liceo, Arcedianos, rúa da Paz, praza do Ferro, Lepanto, praza do Trigo, concluíron na Praza Maior.
Textos de obras de Casares como 'Vento Ferido', 'Cambio en Tres', 'Ilustrísima', 'Un país de palabras', 'Deus sentado nun sillón azul', 'O sol do verán', combinados con distintos fragmentos de ensaios históricos, biografías e textos xornalísticos, e as explicacións do profesor, puxeron luz a un percorrido que pretenden repetir e facer nunha posta de largo, o día 9 de marzo próximo, cando se cumpra xa unha ducia de anos sen Carlos Casares.
http://www.laregion.es/noticia/272465/alumnos/lagoas/abren/roteiro/casares/
17.12.13
O LIBRO DOS REIS MAGOS
As súas palabras van acompañadas coas preciosas ilustracións de Marina Seoane.
Un agasallo para os ollos
Un pracer para meniños e grandes.
Bo Nadal!
13.12.13
Subscribirse a:
Publicacións (Atom)
